Iyobu analia, ya kuwa Mungu anamwumiza zaidi.

¹Roho yangu inachukizwa na kuwapo kwangu, kwa hiyo sitajikataza kupiga kite, na niseme kwa uchungu wa roho yangu.

²Nitamwambia Mungu: Usiniwazie kuwa mwovu! Ila nijulishe sababu za kunigombeza!

³Je? Kwako ni vema, ukimkorofisha mtu? Kiumbe, mikono yako ilichokisumbukia, ukatitupa, uyaangaze mashauri yao wasiokucha?

⁴Je? Wewe nawe unayo macho ya kimwili? Kama mtu anavyoona, ndivyo, unavyoona nawe?[#1 Sam. 16:7.]

⁵Kama siku za mtu zilivyo, ndivyo, zilivyo nazo siku zako? Au miaka yako inafanana nazo siku zake mtu mume?

⁶Kwani unaninyatia, uone manza, nilizozikora, ukayatafuta makosa yangu mimi.

⁷Tena unanijua kuwa mtu asiyeacha kukucha, ya kuwa hakuna atakayeniponya mkononi mwako.

⁸Mikono yako ndiyo iliyoniumba na kunitengeneza, ikanipatia yote, niliyo nayo, nawe unaniangamiza![#Sh. 139:14.]

⁹Kumbuka, ya kuwa ulinifinyanga kama udongo! Tena unataka kunirudisha uvumbini?[#Iy. 33:6; 1 Mose 2:7; 3:19.]

¹⁰Kama maziwa mabichi ulinimwaga ukanigandisha kuwa kama maziwa mabivu.

¹¹Kisha ukanivika ngozi na nyama, kazi ya kuiunga mifupa na mishipa yangu, ilipokuwa imekwisha.

¹²Ukanipatia uzima na upendeleo, ukaikagua roho yangu na kuiangalia.

¹³Tena ukaficha moyoni mwako mawazo kama hayo, najua, ya kuwa unayo kweli yale ya kutaka,

¹⁴uniangalie, kama ninakosa, usinikomboe katika manza, nitakazozikora.

¹⁵Kama nafanya maovu, nitaangamia; lakini hata nisipokosa, sitaweza kukiinua kichwa changu, kwani nashiba kwa kuona soni nikiutazama unyonge wangu.

¹⁶Kama kichwa changu kingeinuka, ungenikimbiza kama simba, ukanirudia na kunionyesha mastaajabu yako;[#Yes. 38:13.]

¹⁷ungetoa mara kwa mara mashahidi wa kunisuta, upate kuyazidisha makali ya kunitolea, wawe vikosi vizima vyao wanaopokeana kunitesa.

¹⁸Kwa sababu gani ulinitoa tumboni mwa mama? Macho ya watu yalipokuwa hayajaniona bado, ningalizimia hapo,[#Iy. 3:3,11; Yer. 20:14.]

¹⁹ningalikuwa kama mtu asiyepata kuwapo, ningalipelekwa kaburini hapo, nilipotoka tumboni mwa mama.

²⁰Siku zangu zilizosalia si chache tu? Kwa hiyo na akome, na aniache, nipate kuchangamka kidogo,

²¹nikiwa sijaenda bado hapo, ambapo sitaweza kutoka, nirudi huku, nikikaa katika ile nchi yenye giza penye kivuli kiuacho;[#Iy. 7:10.]

²²ni nchi yenye giza jeusi kama usiku wa manane, ni nchi ikaayo kivuli kiuacho, tena ni nchi ikosayo matengenezo yo yote, nayo ikiangazika huwa vilevile kama usiku wa manane.

Sofari anasema: Iyobu sharti amnyenyekee Mungu.

Sofari na Nama akajibu akisema: