Kingojeo chake Iyobu ni kufa tu.

¹Roho yangu imenyongeka, siku zangu zinataka kuzimika, ni penye makaburi tu panaponingoja.

²Lakini na sasa yako masimango, wanayonitolea, nami sina budi kutazama tu kwa macho yangu, wakinitia uchungu.

³Nakuomba, jitoe mwenyewe kuniwia kole, kwani yuko wapi mwingine atakayepeana mikono na mimi?[#Iy. 16:19.]

⁴Kwa kuwa umeuficha ubingwa, usije mioyoni mwao, kwa hiyo hutawaacha tu, wajikuze wenyewe.

⁵Mtu akiwaalika wenziwe kugawanyiana fungu lake mwingine, ndipo, yatakapozimia macho yao wanawe huyo mtu.

⁶Aliyemweka kuwa fumbo la watu, ni mimi, mtu wa kutemewa mate usoni nitakuwa mimi.[#Iy. 30:9.]

⁷Kwa hiyo macho yangu yameingiwa kiwi kwa majonzi, navyo viungo vyangu vyote pia viko kama kivuli.[#Sh. 6:8.]

⁸Wanyokao wanayastuka sana mambo hayo, nao watakatao wanachafuka sana kwa ajili yao wambezao Mungu.

⁹Lakini mwenye kuishika njia yake ni mwongofu, naye mwenye mikono iliyo safi huongezeka nguvu.

¹⁰Lakini ninyi nyote rudini, mje kwangu, ingawa nisione aliye mwerevu wa kweli miongoni mwenu.

¹¹Siku zangu zimekwisha kupita, mawazo yangu nayo yamekwisha kukatika, tena ndiyo yaliyokuwa mapato ya moyo wangu.

¹²Ingawa waugeuze usiku kuwa mchana, na kuniambia: Mwanga uko karibu kwako kuliko giza,

¹³nakungojea kuzimu tu kuwa nyumba yangu, nukitandikie malalo yangu kwenye giza.

¹⁴Kaburi sina budi kuliita: baba yangu ni wewe, navyo vidudu: mama yangu na maumbu zangu.[#Iy. 4:19.]

¹⁵Kwa hiyo kingojeo changu kingine kiko wapi? kilicho kingojeo changu, yuko nani atakayekichungulia?

¹⁶Nacho kitashuka kufika penye makomeo ya kuzimu; ndiko, tutakakotulia pamoja uvumbini.

Bildadi anasema mara ya pili: wasiomcha Mungu huangamia.

Bildadi wa Sua akajibu akisema: