¹Kweli umemsaidia sana asiye na uwezo,

²ukamwokoa mwenye mikono isiyo na nguvu!

³Asiyeerevuka kweli umemwongoza vema ukimjulisha mizungu iliyo mingi!

⁴Ni nani, uliyemwambia hayo maneno yako? Tena ni roho ya nani iliyokusemesha?

⁵Nao wazimu walioko chini hutetemeka, nayo maji pamoja nao wakaao humo.

⁶Kuzimu kuko waziwazi machoni pake, huko ndani ya nchi hakuna kabisa ficho lo lote.[#Fano. 15:11.]

⁷Aliutandaza upande wa kaskazini mahali pasipokuwa na kitu, nayo nchi aliiweka kuwa juu ya hapo pasipokuwa lo lote kabisa.

⁸Katika mawingu yake hufunga maji, lakini hakuna wingu lipasukalo chini yao.[#Sh. 104:3.]

⁹Hukifunika kiti chake cha kifalme, kisionekane, kwa kukitandazia wingu lake.

¹⁰Alipima mviringo juu ya maji, uwe mpaka; ndipo, mwanga unapokutana nayo giza.[#Iy. 38:10-11; Fano. 8:27-29.]

¹¹Nguzo za mbingu hutukutika kwa kutetemeka, akichafuka.

¹²Kwa uwezo wake huzistusha nazo bahari, kwa utambuzi wake huwaponda nao nondo waliomo baharini.

¹³Kwa kuzipuzia mbingu huzichangamsha, mkono wake humchoma naye joka kubwa, akikimbia.[#Yes. 27:1.]

¹⁴Tazameni! Huku ni kama pembeni tu kwa njia zake, hayo maneno yake, tunayoyasikia, ni manong'ono tu, lakini hizo nguvu za ngurumo zenyewe yuko nani atakayezitambua?

Jibu la mwisho la Iyobu: Waovu hawana budi kuangamia.

Iyobu akaendelea kutoa mifano akisema: