¹Mlio werevu wa kweli, yasikieni ninayoyasema!

²Nitegeeni masikio yenu, mlio wajuzi!

³Kwani sikio huyajaribu yanayosemwa, ufizi nao huyaonja yanayoliwa.[#Iy. 12:11.]

⁴Yaliyo sawa ndiyo, tujichagulie, sote pamoja tuyajue yaliyo mema!

⁵Kwani Iyobu amesema: Mimi sikukosa, lakini Mungu ananinyima shauri lililo sawa.[#Iy. 27:2; 33:9.]

⁶Ingawa sikukosa, napewa uwongo, kidonda, mshale wake ulichonipiga, hakiponi, tena hakuna kiovu, nilichokifanya.[#Iy. 6:4; 9:15,20.]

⁷Mtu aliye kama Iyobu yuko wapi? Masimango ya kwake yakichuruzika kama maji ya kunywa,[#Iy. 15:16.]

⁸akifanya bia nao wafanyao maovu, akitembea na watu wasiomcha Mungu?[#Sh. 1:1.]

⁹Kwani amesema: Hakuna mafaa, mtu anayojipatia kwa kupendezana naye Mungu.[#Iy. 9:22.]

¹⁰Kwa hiyo nisikilizeni, ninyi waume mlio wenye akili! Mungu asiwaziwe kamwe ya kwamba: Hufanya maovu, wala Mwenyezi ya kwamba: Hufanya mapotovu!

¹¹Ila humlipisha mtu matendo yake, aone yaupasayo mwenendo wake.[#Rom. 2:6.]

¹²Hii ni kweli, Mungu hafanyi maovu, wala Mwenyezi hayapotoi mashauri yaliyo sawa.[#Iy. 19:6.]

¹³Kuiangalia nchi hii alimwagiza nani? Au yuko nani aliyeuweka huu ulimwengu wote?

¹⁴Kama angeuelekeza moyo wake kuyaangalia yamfaliayo mwenyewe, au kama angeirudisha kwake roho na pumzi yake,

¹⁵wote wenye miili yenye nyama wangezimia kwa mara moja, nao watu wangerudi kuwa mavumbi tena.[#1 Mose 3:19; Sh. 104:29.]

¹⁶Kama uko na utambuzi, yasikilize haya! Itegee sauti ya maneno yangu masikio yako!

¹⁷Je? Achukizwaye na mashauri yaliyo sawa anaweza kutawala? Au mkuu aongokaye utamwazia kuwa mwovu?

¹⁸Utamwambia mfalme: Hufai kitu? au wakuu: M waovu?

¹⁹Naye Mungu hazipendelei nyuso za wakuu, wala hawatazami wenye nguvu kuliko wanyonge, kwani wote ni viumbe vya mikono yake.

²⁰Punde si punde, mara watu hufa, usiku wa manane hupepesuka, kisha huenda zao, nao wenye nguvu huondolewa pasipo kushikwa mikono.

²¹Kwani macho yake huziangalia njia za watu, nyayo zao zinapokanyaga, hupaona pote.[#Iy. 31:4; Fano. 5:21.]

²²Hapapatikani penye giza kabisa wala kivuli chenye weusi, wapate kujificha mlemle wafanyao maovu.[#Sh. 139:11-12.]

²³Kwani Mungu hamwangalii mtu mara kwa mara akimtaka, aje kwake kukatwa shauri.

²⁴Huvunja wenye nguvu pasipo kuwachunguzachunguza, akaweka wengine mahali pao.

²⁵Kwani anazijua kazi zao, zilivyo kweli, akawakumba usiku, wapondwe.

²⁶Kwa kuwa ni waovu, huwapiga mahali palipo na watu wanaovitazama.

²⁷Ni kwa sababu waliacha kumfuata, nazo njia zake zote hawakuziangalia, wazishike.

²⁸Huko ni kuwatwika vilio vyao wakorofikao, navyo vilio vya wanyonge, alivyovisikia.[#2 Mose 22:23.]

²⁹Akiwanyamazisha hivyo, yuko nani atakayemwambia: Unafanya nini? Akiuficha uso wake, yuko nani awezaye kumwona? Njia yake ya kuwaendea wote ni hiyo moja, wao walio mataifa mazima naye mtu aliye peke yake.

³⁰Huku ni kwamba: Mtu mpotovu asiwe mfalme, asigeuke kuwa tanzi la kutegea watu.

³¹Je? Mungu anaambiwa: Nalipishwa, lakini sikukosa?

³²Kama yako, nisiyoyaona, nifundishe wewe! Kama nilifanya mapotovu, sitayafanya tena?[#Iy. 40:5.]

³³Je? Kama inavyokupendeza wewe, ndivyo alipishe? Unavikataaje? Ni wewe upaswaye kuchagua malipo, siye yeye? Haya! Yaseme unayoyajua!

³⁴Watu wenye akili wataniambia pamoja na waume walio werevu wa kweli wanaonisikia:

³⁵Iyobu aliyoyasema siyo ya ujuzi, kweli maneno yake siyo ya mtu mwenye akili.[#Iy. 38:2.]

³⁶Basi, kwa hiyo Iyobu na ajaribiwe kale na kale, kwani kama watu waovu wanavyojibu, ndivyo, anavyojibu naye.

³⁷Kwani makosa yake anayaongeza na kufanya maovu, akitupigia makofi machoni petu, tena akimgombeza Mungu kwa kusema kwake.[#Iy. 34:5.]

Elihu anasema mara ya tatu: Mashauri ya Mungu hunyoka.

Elihu akajibu tena akisema: