¹Je? Hayo unayawaza kuwa shauri likupasalo,[#Iy. 32:2.]

²ukisema: Mimi ni mwenye wongofu kuliko Mungu?

³tena ukiuliza, kama huo wongofu utakupatia faida gani, tena ukisema: Nikiacha kukosa, inafaaje kuliko kukosa?[#Iy. 34:9.]

⁴Mimi nitakujibu wewe nao wenzako walioko kwako:

⁵Zitazame mbingu, upate kuona! Yaangalie mawingu yaliyoko huko juu kichwani pako!

⁶Yule unamtendea nini ukikosa? Mapotovu yako yakiwa mengi, unamfanyizia nini?[#Iy. 7:20.]

⁷Yule unampa nini usipokosa? Au liko, atakalolichukua mkononi mwako?[#Rom. 11:35.]

⁸Uovu wako utaweza kumwumiza mtu tu aliye kama wewe, nao wongofu wako utaweza kumfalia mwana wa Adamu.

⁹Kwa wingi wa mateso watu hulia, kwa kutolewa nguvu na wakuu hupiga makelele.

¹⁰Lakini hakuna aulizaye: Yuko wapi Mungu aliyeniumba? Siye anayeniimbisha hata usiku?[#Sh. 42:9; Tume. 16:25.]

¹¹Atufundishaye kuliko nyama wa porini siye yeye? Tena siye yeye atuerevushaye kuliko ndege wa angani?

¹²Lakini asipojibu, wanapomlilia, ni kwa ajili ya majivuno yao walio wabaya.

¹³Vilio vya bure Mungu havisikii, aliye Mwenyezi haviangalii.[#Yoh. 9:31.]

¹⁴Ikiwa, unasema nawe, ya kama humwoni, hilo shauri liko kwake, wewe umngoje tu![#Iy. 23:8-9.]

¹⁵Makali yake yasipotokea hata sasa, huwaziwa kuwa hajui kabisa, mtu akikorofishwa.[#Mbiu. 8:11.]

¹⁶Naye Iyobu amekifunua kinywa chake, vikawa vya bure, amesema maneno mengi ya mambo, asiyoyajua.

Elihu anasema mara ya nne: Mungi ni mkuu peke yake.

Elihu akajibu tena akisema: