Kondo ya nzige ni mfano wa siku ya Bwana.

¹Hili ndilo neno la Bwana lililomjia Yoeli, mwana wa Petueli: Yasikieni haya, ninyi wazee!

Yasikilizeni, ninyi nyote mkaao katika nchi hii!

²Je? Kama hayo yamefanyika katika siku zenu

au katika siku za baba zenu?

³Yasimulieni haya wana wenu!

Nao wana wenu wayasimulie wana wao!

Nao wana wao wayasimulie uzao mwingine ujao!

⁴Panzi waliyoyasaza yameliwa na nzige,

nzige waliyoyasaza yameliwa na funutu,

funutu waliyoyasaza yameliwa na bumundu.

⁵Levukeni, ninyi walevi, kalieni!

Pigeni kelele, nyote mnywao mvinyo!

Ni kwa ajili ya mvinyo mbichi,

kwa kuwa zimekwisha kuondolewa vinywani mwenu!

⁶Kwani liko kabila, limepanda kuiingia nchi yangu,

ni lenye nguvu, tena halihesabiki,

meno yao kama meno ya simba, magego yao kama ya simba jike.

⁷Wameigeuza mizabibu yangu, iwe kama jangwa,

nayo mikuyu yangu, iwe mashina matupu,

wameyabandua maganda yao, wakayatupa chini,

matawi yao yakawa meupe kabisa.

⁸Ombolezeni kama mwanamwali aliyejivika gunia

kwa ajili ya bwana wa ujana wake!

⁹Vilaji na vinywaji vya tambiko vimekomeshwa,

visifike Nyumbani mwa Bwana;

kwa hiyo watambikaji wanasikitika, ndio wanaomtumikia Bwana.

¹⁰Mashamba yameangamizwa, nchi imesikitika,

kwani ngano zimeangamia, mvinyo mpya zimekupwa,

mafuta nayo yamefifizwa.

¹¹Wakulima wametwezwa, watunza mizabibu wanalia,

kwa ajili ya ngano na ya mawele,

kwani ngano zimeangamia, mvinyo mpya zimekupwa,

mafuta nayo yamefifizwa.

Wakulima wametwezwa, watunza mizabibu wanalia,

kwa ajili ya ngano na ya mawele,

kwani mavuno ya mashamba yamepotea.

¹²Mizabibu imekauka, mikuyu imefifia,

mikomamanga na mitende na michungwa,

miti yote pia ya shambani imekauka,

kweli nazo furaha zimekaukiana, zimewapotelea watu.

Kutangaza siku ya majuto.

¹³Vaeni nguo za matanga! Ombolezeni, ninyi watambikaji!

Pigeni kelele, mnaotumikia mezani pa kutambikia!

Njoni, mlale usiku kucha na kuvaa magunia,

mnaomtumikia Mungu wangu!

Kwani Nyumba ya Mungu wenu imenyimwa

vilaji na vinywaji vya tambiko!

¹⁴Eueni mfungo! Utangazeni mkutano!

Wakusanyeni wazee nao wote wanaokaa katika nchi hii,

waje Nyumbani mwa Bwana Mungu wenu, mmlalamikie Bwana!

¹⁵Semeni: Imetupata ile siku! Kweli siku ya Bwana iko

karibu!

Inakuja kama mwangamizo utokao kwake Mwenyezi!

¹⁶Je? Chakula hakikuondolewa machoni petu?

Nyumbani mwa Mungu wetu hamkuondoka furaha na shangwe?

¹⁷Mbegu zimenyauka chini ya madongo yao,

vilimbiko vimetoweka, vyanja vimebomolewa,

kwani ngano zimekauka!

¹⁸Sikilizeni! Nyama nao wanapiga kite!

Makundi ya ng'ombe yametatizwa, kwani hakuna malisho yao,

nayo makundi ya kondoo yanakosa.

¹⁹Wewe Bwana, ninakulilia, kwani moto umezila mbuga za

nyikani,

moto wenye miali umeichoma miti yote ya porini.

²⁰Nao nyama wa porini wanakutwetea

kwani vijito vya maji vimekauka,

nao moto umezila mbuga za nyikani.