Wafalme thelathini na mmoja walioshindwa na Waisiraeli.

¹Hawa ndio wafalme wa nchi hii, wana wa Israeli waliowapiga, walipoichukua nchi yao, iwe yao wenyewe ng'ambo ya huko ya Yordani upande wa maawioni kwa jua toka mto wa Arnoni mpaka milimani kwa Hermoni, nayo nyika hiyo yote iliyoko upande wa maawioni kwa jua:

²Sihoni, mfalme wa Waamori, aliyekaa Hesiboni na kutawala toka Aroeri ulioko kwenye mto wa Arnoni kuanzia mle mtoni katikati kufikia nusu ya Gileadi mpaka mto wa Yaboko, mpaka wa wana wa Amoni uliko.[#4 Mose 21:24.]

³Aliitawala nayo nyika kufikia upande wa maawioni kwa jua wa bahari ya Kineroti mpaka upande wa maawioni kwa jua wa bahari ya nyikani, ndiyo Bahari ya Chumvi, ukifuata njia ya kwenda Beti-Yesimoti, tena kusini chini ya matelemko ya Pisiga.

⁴Tena mipaka ya Ogi, mfalme wa Basani, aliyekuwa wa masao ya wale Majitu; naye alikuwa anakaa Astaroti na Edirei;[#4 Mose 21:33; 5 Mose 3:11.]

⁵aliitawala milima ya Hermoni na Salka na Basani yote mpaka kwenye mipaka ya Wagesuri na ya Wamakati na nusu ya Gileadi mpaka kwenye mipaka ya Sihoni, mfalme wa Hesiboni.

⁶Mose, mtumishi wa Bwana, na wana wa Isiraeli waliwapiga, nazo nchi zao Mose, mtumishi wa Bwana, akazigawia wao wa Rubeni na wa Gadi nao walio nusu ya shina la Manase, ziwe nchi zao.[#4 Mose 32:33.]

⁷Nao hawa ndio wafalme, Yosua na wana wa Isiraeli waliowapiga ng'ambo ya huku ya Yordani inayoelekea baharini toka Baali-Gadi ulioko katika bonde la Libanoni mpaka kwenye ile milima mitupu inayoendelea hata Seiri; nchi hiyo Yosua akaigawia mashina ya Waisiraeli, iwe yao wenyewe, kama walivyogawanyika,

⁸wakae milimani na katika nchi ya tambarare na nyikani, hata kwenye matelemko na mbuga, nako kusini kwao Wahiti na Waamori na Wakanaani na Waperizi na Wahiwi na Wayebusi:[#Yos. 11:3.]

⁹Mfalme wa Yeriko mmoja, mfalme wa Ai ulioko upande wa Beteli mmoja,[#Yos. 6:2; 8:29.]

¹⁰mfalme wa Yerusalemu mmoja, mfalme wa Heburoni mmoja,[#Yos. 10:1,3.]

¹¹mfalme wa Yarmuti mmoja, mfalme wa Lakisi mmoja,

¹²mfalme wa Egloni mmoja, mfalme wa Gezeri mmoja,[#Yos. 10:3,26,33,39; Amu. 1:11.]

¹³mfalme wa Debiri mmoja, mfalme wa Gederi mmoja,

¹⁴mfalme wa Horma mmoja, mfalme wa Aradi mmoja,[#Amu. 1:17; 4 Mose 21:1.]

¹⁵mfalme wa Libuna mmoja, mfalme wa Adulamu mmoja,[#Yos. 10:29-30.]

¹⁶mfalme wa Makeda mmoja, mfalme wa Beteli mmoja,[#Yos. 10:28.]

¹⁷mfalme wa Tapua mmoja, mfalme wa Heferi mmoja,

¹⁸mfalme wa Afeki mmoja, mfalme wa Saroni mmoja,[#Yos. 15:53; 1 Sam. 4:1.]

¹⁹mfalme wa Madoni mmoja, mfalme wa Hasori mmoja,[#Yos. 11:1,10.]

²⁰mfalme wa Simuroni-Meroni mmoja, mfalme wa Akisafu mmoja,[#Yos. 11:1.]

²¹mfalme wa Taanaki mmoja, mfalme wa Megido mmoja,

²²mfalme wa Kedesi mmoja, mfalme wa Yokinamu wa Karmeli mmoja,

²³mfalme wa Dori milimani kwa Dori mmoja, mfalme wa makabila ya Gilgali mmoja,[#Yos. 11:2.]

²⁴mfalme wa Tirsa mmoja, wafalme hawa wote ni 31.