Mipaka na miji ya Yuda.

¹Shina la wana wa Yuda kura ikalipata nchi za kuzigawanyia koo zao kwenye mpaka wa Edomu; mpaka wao wa kusini uliipita nyika ya Sini iliyokuwa mwisho wa upande wa kusini.[#4 Mose 34:3-5.]

²Huo mpaka wao wa upande wa kusini ulianzia mwishoni kwa Bahari ya Chumvi kwenye pembe yake ielekeayo kusini.

³Kutoka kule kusini ulipita hapo pa kukwelea Akarabimu, ulipitia Sini, ulipanda tena upande wa kusini wa Kadesi-Barnea, ulipita Hesironi na kupanda tena Adari, ulizungukia Karka,

⁴ulifika Asimoni, kisha ulitokea kwenye mto wa Misri, mwisho ulitokea baharini. Huu ndio mpaka wenu wa kusini.

⁵Mpaka wa upande wa maawioni kwa jua ni Bahari ya Chumvi kuufikia mwisho wa Yordani. Nao mpaka wa upande wa kaskazini ulianzia hapo pembeni kwa bahari kwenye mwisho wa Yordani.

⁶Kutoka huko mpaka ulipanda Beti-Hogla, ulipitia Beti-Araba upande wake wa kaskazini, kisha mpaka uliupanda mwamba wa Bohani, mwana wa Rubeni.[#Yos. 18:17.]

⁷Kutoka Bondeni kwa Akori mpaka ulipanda Debiri, uligeukia kaskazini kufika Gilgali unaoelekea hapo pa kukwelea Adumimu ulioko kusini kwenye kijito; kisha mpaka ulipita penye maji ya Eni-Semesi na kutokea Eni-Rogeli (Chemchemi ya Wafua nguo).[#2 Sam. 17:17.]

⁸Kisha mpaka ulipanda katika bonde la Mwana wa Hinomu kufika kando kwao Wayebusi upande wao wa kusini, ni huko Yerusalemu; kisha mpaka ulipanda kufika juu ya mlima ulioko mbele ya Bonde la Hinomu upande wa baharini mwishoni kwa Bonde la Majitu upande wake wa kaskazini.[#2 Mambo 28:3.]

⁹Toka juu ya mlima huo mpaka uliendelea, ufike kwenye chemchemi ya maji ya Nefutoa, utokee kwenye miji ya mlima wa Efuroni; uliendelea tena kufika Bala, ndio Kiriati-Yearimu.[#Yos. 15:60.]

¹⁰Huko Bala mpaka uligeukia tena upande wa baharini kuufikia mlima wa Seiri, tena ulipita kando ya mlima wa Yearimu upande wake wa kaskazini, ndio Kesaloni; toka huko ulishuka Beti-Semesi, ufike Timuna.

¹¹Toka huko mpaka uliendelea kando ya Ekroni upande wa kaskazini, kisha uliendelea kufika Sikroni, uliupita mlima wa Bala, utokee Yabuneli, nao mwisho wake mpaka ulikuwa hapo, ulipotokea baharini.

¹²Nao mpaka wa upande wa baharini ulikuwa Bahari Kubwa na nchi yake ya pwani. Hii ilikuwa mipaka ya kuzizunguka nchi za wana wa Yuda za kuzigawanyia koo zao.

¹³Kalebu, mwana wa Yefune, akampa fungu katikati ya wana wa Yuda, liwe lake kwa hivyo, Bwana alivyomwambia Yosua; ni mji wa Arba, baba yao Waanaki, ndio Heburoni.[#Yos. 14:6-15.]

¹⁴Huko Kalebu akafukuza wana watatu wa Anaki, Sesai na Ahimani na Talmai, waliozaliwa na Anaki.

¹⁵Toka huko akawaendea wenyeji wa Debiri, nalo jina la Debiri lilikuwa kale Kiriati-Seferi.

¹⁶Hapo Kalebu akasema: Atakayeupiga Kiriati-Seferi na kuuteka nitampa mtoto wangu Akisa kuwa mkewe.

¹⁷Otinieli, mwana wa Kenazi, ndugu yake Kalebu, alipouteka, akampa mtoto wake Akisa kuwa mkewe.

¹⁸Ikawa, huyu alipofikia kwake akamhimiza mumewe kuomba shamba kwa baba yake Kalebu; basi, Akisa aliposhuka katika punda, Kalebu akamwuliza: Unataka nini?

¹⁹Naye akamwambia: Nipe tunzo la kunibariki! Kwa kuwa umenipeleka katika nchi ya kusini, nipe nazo mboji za maji! Ndipo, alipompa zile mboji zilizokuwa upande wa juu, nazo zilizokuwa upande wa chini.

²⁰Hizi ndizo nchi za shina la wana wa Yuda za kuzigawanyia koo zao, ziwe mafungu yao:

²¹kwenye mwisho wa nchi ya shina la wana wa Yuda kuuelekea mpaka wa Edomu upande wa kusini kulikuwa na miji hii: Kabuseli na Ederi na Yaguri,

²²na Kina na Dimona na Adada,

²³na Kedesi na Hasori na Itinani,

²⁴Zifu na Telemu na Baloti,

²⁵na Hasori-Hadata na Kerioti-Hesironi, ndio Hasori.

²⁶Amamu na Sema na Molada,

²⁷na Hasari-Gada na Hesimoni na Beti-Peleti,

²⁸na Hasari-Suali na Beri-Seba na Biziotia,

²⁹Bala na Iyimu na Esemu,

³⁰na Eltoladi na Kesili na Horma,

³¹na Siklagi na Madimana na Sanisana,

³²Lebaoti na Silihimu na Aini na Rimoni; miji hii yote pamoja ni 29 pamoja na mitaa yao.

³³Katika nchi ya tambarare: Estaoli na Sora na Asina,

³⁴na Zanoa na Eni-Ganimu, Tapua na Enamu,[#Amu. 13:25; 16:31.]

³⁵Yarmuti na Adulamu, Soko na Azeka,

³⁶na Saraimu na Aditaimu na Gedera na Gederotaimu; ni miji 14, pamoja na mitaa yao.

³⁷Senani na Hadaa na Migidali-Gadi,

³⁸na Dilani na Misipe na Yokiteli,

³⁹Lakisi na Boskati na Egloni,

⁴⁰na Kaboni na Lamasi na Kitilisi,

⁴¹na Gederoti, Beti-Dagoni na Nama na Makeda; ni miji 16 pamoja na mitaa yao.

⁴²Libuna na Eteri na Asani,

⁴³Ifuta na Asina na Nesibu,

⁴⁴na Keila na Akizibu na Maresa; ni miji 9 pamoja na mitaa yao.

⁴⁵Ekroni na vijiji vyake na mitaa yake.

⁴⁶Toka Ekroni upande wa baharini miji yote iliyoko kando ya Asdodi pamoja na mitaa yao.[#1 Sam. 5:10.]

⁴⁷Asdodi na vijiji vyake na mitaa yake, Gaza pamoja na vijiji vyake na mitaa yake mpaka kwenye mto wa Misri, nao mpaka wake ni Bahari Kubwa.[#1 Sam. 5:1; Amu. 1:18; 4 Mose 34:6.]

⁴⁸Tena milimani: Samiri na Yatiri na Soko,

⁴⁹na Dana na Kiriati-Sana, ndio Debiri,

⁵⁰na Anabu na Estemo na Animu,

⁵¹na Goseni na Holoni na Gilo; ni miji 11 pamoja na mitaa yao.

⁵²Arabu na Duma na Esani,

⁵³Yanumu na Beti-Tapua na Afeka,

⁵⁴na Humuta na Kiriati-Arba, ndio Heburoni, na Siori; ni miji 9 pamoja na mitaa yao.

⁵⁵Maoni, Karmeli na Zifu na Yuta,

⁵⁶na Izireeli na Yokidamu na Zanoa,

⁵⁷Kaini, Gibea na Timuna; ni miji 10 pamoja na mitaa yao.

⁵⁸Halihuli, Beti-Suri na Gedori,

⁵⁹na Marati na Beti-Anoti na Eltekoni; ni miji 6 pamoja na mitaa yao.

⁶⁰Kiriati-Baali, ndio Kiriati-Yearimu, na Raba; ni miji 2 pamoja na mitaa yao.[#Yos. 9:17; 18:14.]

⁶¹Nyikani: Beti-Araba, Midini na Sekaka,

⁶²na Nibusani na Mji wa Chumvi na Engedi ni miji 6 pamoja na mitaa yao.

⁶³Lakini Wayebusi, ndio wenyeji wa Yerusalemu, wana wa Yuda hawakuweza kuwafukuza; kwa hiyo Wayebusi wakakaa pamoja na wana wa Yuda mle Yerusalemu mpaka siku hii ya leo.[#Yos. 18:28; 2 Sam. 5:6.]