¹Yesu alipokwisha kuwaagiza haya wanafunzi wake kumi na wawili akaondoka, alikokuwa, akaenda kufundisha watu na kuwapigia ile mbiu katika miji yao.

Wajumbe wa Yohana.

²*Lakini Yohana alipozisikia mle kifungoni kazi zake Kristo akatuma wanafunzi wake wawili,[#Mat. 14:3-4.]

³akamwuliza: Wewe ndiwe mwenye kuja, au tungoje mwingine?[#Mat. 3:11; Mal. 3:1.]

⁴Yesu akajibu akiwaambia: Rudini, mmsimulie Yohana, mliyoyasikia nayo mliyoyaona:

⁵vipofu wanaona, viwete wanakwenda, wenye ukoma wanatakaswa, viziwi wanasikia, wafu wanafufuliwa, maskini wanapigiwa mbiu njema.[#Yes. 35:5-6; 61:1.]

⁶Tena mwenye shangwe ndiye asiyejikwaa kwangu.[#Mat. 13:57; 26:31.]

Ufumbuaji wa Yohana.

⁷Wao walipokwenda zao, Yesu akaanza kusema na yale makundi ya watu mambo ya Yohana: Mlipotoka kwenda nyikani mlikwenda kutazama nini? Mlikwenda kutazama utete unaotikiswa na upepo?[#Mat. 3:1,5.]

⁸Au mlitoka kutazama nini? Mlikwenda kutazama mtu aliyevaa mavazi mororo? Tazameni, wanaovaa mavazi mororo wamo nyumbani mwa wafalme.

⁹Au mlitoka kutazama nini? Mlitaka kuona mfumbuaji? Kweli, nawaambiani: Ni mkuu kuliko mfumbuaji.[#Luk. 1:76.]

¹⁰Huyo ndiye aliyeandikiwa:

Utaniona mimi, nikimtuma mjumbe wangu,

akutangulie, aitengeneze njia yako mbele yako.*

¹¹Kweli nawaambiani: Miongoni mwao wote walizaliwa na wanawake hajaonekana aliye mkuu kuliko Yohana Mbatizaji. Lakini aliye mdogo katika ufalme wa mbingu ni mkuu kuliko yeye.[#Mat. 13:17.]

¹²Tangu siku za Yohana Mbatizaji mpaka leo ufalme wa mbingu huendewa kwa nguvu, nao wenye nguvu lhuupoka.[#Luk. 16:16; 13:24.]

¹³Kwani Wafuambuaji wote nayo Maonyo waliufumbua, mpaka Yohana akitokea.

¹⁴Tena kama mnataka kuitikia: Yeye ndiye Elia atakayekuja.[#Mat. 17:10-13; Mal. 4:5.]

¹⁵Mwenye masikio yanayosikia na asikie!

¹⁶*Lakini wao wa kizazi hiki niwafananishe na nini? Wamefanana na watoto wanaokaa sokoni na kuwaita wenzi wao wakisema:

¹⁷Tumewapigia filimbi, nanyi hamkucheza; tena tumewaombelezea, nanyi hamkulia.[#Fano. 29:9.]

¹⁸Kwani Yohana alikuja, hakula, wala hakunywaakala, wakasema: Ana pepo.[#Mat. 3:4.]

¹⁹Mwana wa mtu alikuja, akala, akanywa, wakasema: Tazameni mtu huyu mlaji na mnyuwaji wa mvinyo, mpenda watoza kodi na wakosaji! Lakini werevu hutokezwa na matendo yake kuwa wa kweli.[#Mat. 9:14-15.]

Kuikaripia miji.

²⁰Ndipo Yesu alipoanza kuikaripia miji, yalimofanyika ya nguvu yake mengi, kwa maana haikujuta.

²¹Akasema: Yatakupata, wewe Korasini! Yatakupata, wewe Beti-Saida! Kwani ya nguvu yaliyofanyika kwenu, kama yangalifanyika Tiro na Sidoni, wangalijuta kale na kujivika magunia na kujikalisha majivuni.[#Yona 3:6.]

²²Lakini nawaambiani: Siku ya hukumu miji ya Tiro na Sidoni itapata machungu yaliyo madogo kuliko yenu.

²³Nawe Kapernaumu, hukupazwa mpaka mbinguni? Utatumbukia mpaka kuzimuni, kwani ya nguvu yaliyofanyika kwako, kama yangalifanyika Sodomu, ungalikuwako mpaka leo.[#Mat. 4:13; 8:5; 9:1.]

²⁴Lakini nawaambiani: Siku ile ya hukumu nchi ya Sodomu itapata machungu yaliyo madogo kuliko yako.*[#Mat. 10:15.]

Kuwaita wenye kusumbuka.

²⁵*Siku zile Yesu akasema kwamba: Nakushukuru, Baba, Bwana wa mbingu na nchi, kwani hayo umewaficha werevu na watambuzi, ukawafunulia wachanga.[#1 Kor. 1:26-29.]

²⁶Ndio, Baba, kwani hivyo ndivyo, ulivyopendezwa navyo.

²⁷Vyote nimepewa na Baba yangu. Hakuna anayemtambua Mwana pasipo Baba; wala hakuna anayemtambua Baba pasipo mwana na kila, Mwana atakayemfunulia.[#Mat. 28:18; Yoh. 3:35; 17:2; Fil. 2:9.]

²⁸Njoni kwangu nyote, wenye kusumbuka na wenye kulemewa na mizigo! Mimi nitawatuliza.[#Mat. 12:20; Yer. 31:25.]

²⁹Twaeni kata yangu, mjifunze kwangu! Kwani ndimi mpole na mnyenyekevu moyoni. Kwa hivyo mtaipatia mioyo yenu kituo;[#Yer. 6:16.]

³⁰kwani kata yangu ni njema, nao mzigo wangu ni mwepesi.*[#Mar. 7:3-9; Luk. 11:46; 1 Yoh. 5:3.]