Kufufuka.

¹*Siku ya mapumziko ilipokwisha pita, ndipo, Maria Magadalene na Maria, mama yake Yakobo, na Salome waliponunua manukato, wapate kwenda kumpaka.

²Siku ya kwanza ya juma asubuhi na mapema wakajidamka, wakaenda kaburini, jua lilipochomoza.

³Wakasema wao kwa wao: Nani atatufingirishia lile jiwe, litoke mlangoni pa kaburi?

⁴Walipotazama wakaona, jiwe limekwisha fingirishwa; kwani lilikuwa kubwa mno.

⁵Walipoingia kaburini wakaona kijana, amekaa kuumeni, amejitanda nguo nyeupe, wakaingiwa na kituko.

⁶Naye akawaambia: Msistuke! Mnamtafuta Yesu wa Nasareti aliyewambwa msalabani, amefufuliwa, hayumo humu. Patazameni mahali, walipomweka!

⁷Lakini nendeni, mwaambie wanafunzi wake na Petero, ya kuwa anawatangulia ninyi kwenda Galilea! Huko ndiko, mtakakomwona, kama alivyowaambia.[#Mar. 14:28.]

⁸Wakatoka kaburini, wakakimbia, kwani walikuwa wameshikwa na utetemeko na ushangao. Kisha hawakumwambia mtu neno, kwani waliogopa.*

Kuwatokea wanafunzi.

⁹Alipokwisha fufuka asubuhi na mapema siku ya kwanza ya juma, akamtokea kwanza Maria Magadalene, aliyemfukuzia pepo saba.[#Luk. 8:2; Yoh. 20:11-18.]

¹⁰Ndipo, alipokwenda, akawasimulia wale waliokuwa pamoja naye, walipoomboleza na kulia.

¹¹Nao waliposikia, ya kuwa anaishi, ya kuwa yeye amemwona, hawakuitikia.

¹²Kisha akawatokea wenzao wawili kwa sura nyingine, wakitembea kwenda shambani.

¹³Nao wakaenda, wakavisimulia wenzi wao wengine, lakini nao hawakuwaitikia.

¹⁴*Mwisho akawatokea wale kumi na mmoja, walipokaa wakila. Akawakaripia, kwa sababu walikuwa wameshindwa na kumtegemea, na kwa sababu ya ugumu wa mioyo yao, kwani hawakuwaitikia wale waliomwona, ya kuwa amefufuka.[#1 Kor. 15:5.]

¹⁵Akawaagiza: Nendeni katika nchi zote za ulimwenguni, mwatangazie wote walioumbwa Utume mwema![#Mat. 28:18-20.]

¹⁶Anayemtegemea Mungu akibatizwa ataokoka, lakini asiyemtegemea atahukumiwa.[#Tume. 2:38.]

¹⁷Nao wamtegemeao vielekezo vitakavyowafuata ni hivi: kwa Jina langu watafukuza pepo, watasema kwa ndimi mpya,[#Tume. 2:4,11; 9:17; 10:46; 16:18.]

¹⁸watashika nyoka, hata wakinywa machawi, hayatawaua kabisa; watakapobandikia wagonjwa mikono, ndipo, watakapoponapona.[#Luk. 10:19; Tume. 28:3-6; Yak. 5:14-15.]

Kupaa mbinguni.

¹⁹Bwana Yesu alipokwisha kusema nao akachukuliwa na kupazwa mbinguni, akaketi kuumeni kwa Mungu.[#Sh. 110:1; Tume. 7:55; 1 Tim. 3:16.]

²⁰Kisha wale wakatoka, wakapiga mbiu mahali po pote. Naye Bwana alifanya kazi pamoja nao akilitia Neno lake nguvu na kutenda vielekezo vilivyowafuata.*[#Ebr. 2:4.]