Mapatilizo ya Waedomu na wokovu wa Waisiraeli.

Ono la Obadia.

¹Ndivyo, Bwana Mungu anavyosema kwa ajili ya Edomu:

Tumesikia mbiu kwake Bwana,

ya kuwa mjumbe ametumwa kwenda kwa mataifa kwamba:

Ondokeni! Na tuondoke kwenda kupigana naye!

²Utaniona, nikikufanya kuwa mdogo katika mataifa,

ubezwe kabisa wewe!

³Majivuno ya moyo wako yamekudanganya

ukaaye nyufani kwenye miamba katika makao yaliyoko huko

juu,

ukasema moyoni mwako: Yuko nani atakayenibwaga chini?

⁴Lakini ijapo uvijenge vituo vyako juu kabisa kama tai,

ijapo utue katikati ya nyota,

huko nako nitakubwaga chini; ndivyo, asemavyo Bwana.

⁵Kama wezi wangekujia,

au kama waangamizaji wangekujia usiku,

wasingeiba tu, mpaka wakitoshewa?

Lakini nawe ungekuwa umeangamizwa kabisa.

Kama wachuma zabibu wangekujia,

⁶Lakini tazameni, mali za Esau zilivyotafutwa zote,

malimbiko yake nayo yalivyochunguzwa!

⁷Wote, uliofanya maagano nao, wamekukimbiza hata mipakani;

wote, uliopatana nao, wamekudanganya, wakakushinda,

waliokula chakula chako wamekutegea matanzi chini,

lakini mwenyewe huyatambui maana.

⁸Ndivyo, asemavyo Bwana:

Siku hiyo, nitakapowapoteza werevu wa kweli kwake Edomu,

sipo, utambuzi nao utakapopotea milimani kwa Esau?

⁹Ndipo, mafundi wenu wa vita, ninyi Watemani,

watakapokata tamaa,

kusudi kila mmoja ang'olewe milimani kwa Esau kwa kuuawa.

¹⁰Kwa hivyo, ulivyomkorofisha ndugu yako Yakobo,

soni zitakufunika, mpaka uangamie kale na kale.

¹¹Kwani walisimama upande mwingine siku ile,

wengine walipoziteka mali zake,

wageni walipoingia malangoni mwake na kuupigia Yerusalemu

kura,

ndipo, wewe nawe ulipokuwa kama mwenzao wao hao.

¹²Lakini usimwonee ndugu yako, akipatwa na siku mbaya,

siku ikiwa ya kuona mambo mageni!

Wala usiwafurahie wana wa Yuda siku, wakiangamia!

Wala usiwe na madomo makubwa siku, wakisongeka!

¹³Wala usiingie malangoni mwao walio ukoo wangu siku,

wakiteseka!

Wala usiwaonee nawe, wakipatwa na mabaya siku,

wakiteseka!

Wala usiinyoshe mikono yako kukamata mali zao siku,

wakiteseka!

¹⁴Wala usisimame penye njia panda kuwaua watu wao

waliokimbia!

Wala masao yao usiwatie mikononi mwa adui siku,

wakisongeka!

¹⁵Kwani siku ya Bwana iko karibu, iwajie wao wa mataifa

yote;

ndipo, utakapofanyiziwa, kama ulivyofanya,

matendo yako yakikurudia kichwani pako.

¹⁶Kwani kama ulivyokunywa katika mlima wangu mtakatifu,

ndivyo, mataifa yote watakavyokunywa pasipo kukoma,

watakunywa na kumeza vibaya, wawe kama watu wasiokuwapo

kabisa.

¹⁷Lakini mlimani pa Sioni watakuwapo waliojiponya, napo

patakuwa Patakatifu.

¹⁸Nao walio mlango wa Yakobo watakuwa moto,

nao walio mlango wa Yosefu watakuwa miali ya moto,

lakini walio wa mlango wa Esau watakuwa majani makavu,

ndiyo watakayoyawasha na kuyala.

Kwa hiyo hawatakuwapo walio masao ya Esau, kwani Bwana

ameyasema.

¹⁹Nao wakaao upande wa kusini wataitwaa milima ya Esau,

nao wakaao mrimani wataitwaa nchi ya Wafilisti,

nayo mashamba ya Efuraimu nayo mashamba ya Samaria

watayatwaa,

nao Wabenyamini watatwaa Gileadi.

²⁰Navyo vikosi vya wana wa Isiraeli waliotekwa na

kuhamishwa

ndio watakaoitwaa nchi ya Kanaani mpaka Sareputa,

nao Wayerusalemu waliotekwa na kuhamishwa Sefaradi

wataitwaa miji iliyoko upande wa kusini.

²¹Kisha waokozi wataupanda mlima wa Sioni,

waipatilize milima ya Esau;

lakini ufalme utakuwa wake Bwana.