Yapasayo mfalme.

¹Upole na uamuzi wa kweli nitauimbia, nitakutungia wimbo, wewe Bwana.

²Nitajitafutia ujuzi wa kuifuata njia iliyo yenye kweli yote. Itakuwa lini, ukija kwangu? Nitaendelea kuutakasa moyo wangu humu nyumbani mwangu.

³Sitayaelekeza macho yangu kwenye mambo yasiyofaa, nachukizwa na kufanya mapotevu, hayagandamani na mimi.[#Fano. 20:8,28.]

⁴Moyo ulio wenye upotovu sharti uondoke kwangu, sitaki kulijua lililo baya.

⁵Amsingiziaye mwenziwe kinjamanjama ndiye, nitakayemmaliza, mwenye macho makuu na mwenye moyo wa kujivuna simvumilii.

⁶Macho yangu huwatazama walio welekevu katika nchi, wakae kwangu, naye aifuataye njia yenye kweli yote ndiye atakayenitumikia.[#Fano. 22:11.]

⁷Afanyae udanganyifu hakai nyumbani mwangu, wala asemaye uwongo hatasimama machoni pangu.

⁸Kila kunapokucha nitawamaliza katika nchi wote wasiomcha Mungu, nao wote wafanyao maovu nitawang'oa mjini mwake Bwana.[#Fano. 20:26.]