Kumshukuru Bwana na kumwomba msaada.

¹E Mungu, moyo wangu umetulia na kushupaa, niimbe na kupiga shangwe! Ndio utukufu wangu.[#Sh. 16:9.]

²Amkeni, pango na zeze, niiamshe mionzi ya jua!

³Kwenye makundi ya watu wako nitakushukuru, Bwana nako kwenye wamizimu nitakuimbia.

⁴Kwani upole wako ni mkubwa, unatutokea toka mbinguni, nako mawinguni unafika welekevu wako.

⁵Utukuke, Mungu, juu mbinguni! Nazo nchi zote ziuone utukufu wako!

⁶Kusudi wao, uwapendao, wapate kuopoka, mkono wako wa kuume uwaokoe, ukutuitikia!

⁷Mungu alisema hapo Patakatifu pake: Nikiigawanya nchi ya Sikemu nitapiga vigelegele: ndipo, nitakapolipimanalo bonde la Sukoti.

⁸Gileadi ni yangu, Manase ni yangu Efuraimu ni kingio la kichwa changu, Yuda ni bakora yangu ya kifalme.

⁹Moabu ni bakuli langu la kunawia, Edomu ndiko, nitakakovitupia viatu vyangu, nchi ya Wafilisti nitaishangilia.

¹⁰Yuko nani atakayenipeleka mjini mwenye maboma? Yuko nani atakayeniongoza mpaka Edomu?

¹¹Si wewe Mungu uliyenitupa, ukakataa kwenda vitani na vikosi vyetu?

¹²Tujie, utusaidie, tumshinde atusongaye! Kwani watu hawawezi kutuokoa.

¹³Kwa nguvu yake Mungu na tufanye nasi yenye nguvu! yeye ndiye atakayewakanyaga watusongao.