Kumtukuza Mungu.

¹Haleluya! Ninyi watumishi wake Bwana, shangilieni! lishangilieni Jina lake Bwana!

²Jina lake Bwana na likuzwe kuanzia sasa hata kale na kale!

³Toka maawioni kwa jua mpaka machweoni kwake Jina lake Bwana na lishangiliwe!

⁴Bwana anatukuka kuwapita wamizimu wote, utukufu wake unaupita nao wake mbingu.

⁵Afananaye na Bwana Mungu wetu yuko nani? Naye alijipatia kao huko juu.[#2 Mose 15:11; Yes. 57:15.]

⁶Anajinyenyekeza, ayatazame yaliyoko mbinguni nayo yaliyoko nchini.[#Luk. 1:48.]

⁷Humsimamisha akorofikaye na kumwinua uvumbini, naye mkiwa humkweza na kumtoa kwenye taka,[#1 Mose 41:40-41; 1 Sam. 2:8.]

⁸amkalishe pamoja nao walio wakuu, kweli pamoja nao wakuu wao wlaio ukoo wake.

⁹Naye mwanamke akosaye watoto humweka nyumbani kuwa mama ya watoto wenye furaha.[#1 Mose 21:2; 1 Sam. 1:20; 2:21; Luk. 1:57-58.]