Nguvu za Mungu zilizowatoa Waisiraeli katika nchi ya Misri.

¹Waisiraeli walipotoka kule Misri, wa mlango wa Yakobo walipotoka kwao wasemao msemo mgeni,[#2 Mose 12:41.]

²Ndipo, Yuda alipopata kuwa mwenye Patakatifu pao, naye Isiraeli mwenye ufalme wao.

³Bahari ilipoviona, ilikimbia, mto wa Yordani nao ukarudi nyuma.[#2 Mose 14:21-22; Yos. 3:13-16.]

⁴Milima ikarukaruka kama kondoo waume, navyo vilima vidogo kama wana wa kondoo.[#Sh. 68:9.]

⁵Wewe, bahari, ulionaje ulipokimbia? Wewe Yordani nawe, uliporudi nyuma?

⁶Nanyi milima, mliporukaruka kama kondoo waume? Nanyi vilima vidogo, mliporukaruka kama wana wa kondoo?

⁷Tetemeka, wewe nchi, Bwana akitokea, Mungu wake Yakobo akitokea mwenyewe![#2 Mose 19:18.]

⁸Anaugeuza mwamba kuwa ziwa la maji, nayo mawe magumu kuwa mboji za maji.[#2 Mose 17:6; 4 Mose 20:7-11.]