Mungu anapaswa na kutukuzwa.

¹Sisi sio, Bwana, sisi sio tupaswao na kutukuzwa, ila Jina lako sharti ulipatie utukufu kwa ajili ya upole wako na kwa ajili ya welekevu wako.[#Yoh. 1:17.]

²Mbona wamizimu wanasema: Mungu wao yuko wapi?[#Sh. 42:4.]

³Lakini Mungu wetu yuko mbinguni, yote yampendezayo huyafanya.

⁴Vinyago vyao ni fedha na dhahabu, mikono ya watu ndiyo iliyovifanya:[#5 Mose 4:28; Yes. 44:9-20.]

⁵vinywa vinavyo, lakini havisemi, macho vinayo, lakini havioni,

⁶masikio vinayo, lakini havisikii, pua vinazo, lakini havinusi,

⁷mikono vinayo, lakini havipapasi, miguu vinayo, lakini haviendi, wala havisemi kwa koo zao.

⁸Kama hivyo vilivyo, ndivyo, watakavyokuwa nao waliovifanya, nao wote pia waviegemeao.

⁹Wewe Isiraeli, mwegemee Bwana! Yeye ni msaada wao na ngao yao.[#Sh. 118:2.]

¹⁰Ninyi mlio wa mlango wa Haroni, mwegemeeni Bwana! Yeye ni msaada wao na ngao yao.[#Sh. 118:3.]

¹¹Ninyi mmwogopao Bwana, mwegemmeni Bwana! Yeye ni msaada wao na ngao yao.[#Sh. 118:4.]

¹²Bwana hutukumbuka, atubariki. Ataubariki mlango wao wa Waisiraeli, ataubariki nao mlango wake Haroni.

¹³Atawabariki wao wamwogopao Bwana, walio wadogo pamoja nao walio wakubwa.

¹⁴Bwana ataendelea kuwafanyia hivyo ninyi nao wana wenu watakaokuwa.

¹⁵Ninyi ndio mliobarikiwa naye Bwana aliyezifanya mbingu hata nchi.

¹⁶Mbingu ni mbingu zake yeye Bwana, nchi aliwapa wana wa watu.

¹⁷Bwana hawamshangilii walio wafu, wala wote walioshukia huko kuliko kimya.[#Sh. 6:6; Yes. 38:18.]

¹⁸Lakini sisi na tumkuze Bwana kuanzia sasa, hata kale na kale! Haleluya!