Shangwe zao waliookoka.

¹Mshukuruni Bwana, ya kuwa ni mwema! Ya kuwa upole wake ni wa kale na kale![#Sh. 107:1.]

²Waisiraeli na waseme: Upole wake ni wakale na kale![#Sh. 115:9-13.]

³Walio wa mlango wa Haroni na waseme: Upole wake ni wa kale na kale!

⁴Wamwogopao Bwana na waseme: Upole wake ni wa kale na kale!

⁵Niliposongeka nalimwita Bwana, naye Bwana akaniitikia na kunipanulia.

⁶Bwana akiwa upande wangu, sitaogopa; maana aliye mtu atanifanyia nini?[#Sh. 56:5; Ebr. 13:6.]

⁷Bwana akiwa upande wangu na kunisaidia, ndipo, nitakapowafurahia wachukivu wangu.[#Sh. 54:9.]

⁸Kumkimbilia Bwana kunafaa kuliko kuegemea watu.

⁹Kumkimbilia Bwana kunafaa kuliko kuegemea wakuu.[#Sh. 146:3.]

¹⁰Wamizimu wote walikuwa wamenizunguka, vikawa kwa nguvu ya Jina la Bwana, nikiwaponda.

¹¹Kweli walikuwa wamenizungukana kunizinga, vikawa kwa nguvu ya Jina la Bwana, nikiwaponda.

¹²Walikuwa wamenizunguka kama nyuki, wakazimia upesi kama moto wa miiba; vikawa kwa nguvu ya Bwana, nikiwaponda.[#Yes. 33:12.]

¹³Walizidi kunikumba, nianguke, lakini Bwana akanisaidia.

¹⁴*Bwana ni nguvu zangu na wimbo wangu, maana alinijia, akawa mwokozi wangu.[#2 Mose 15:2.]

¹⁵Shangwe za kuushangilia wokovu huu husikilika kwenye vituo vyao waongofu: Mkono wa kuume wa Bwana hufanya yenye nguvu!

¹⁶Mkono wa kuume wa Bwana umetukuka, mkono wa kuume wa Bwana hufanya yenye nguvu!

¹⁷Sitakufa, ila nitakuwapo, niyasimulie matendo ya Bwana.

¹⁸Kweli Bwana hunichapa, lakini hanitoi, nife.[#2 Kor. 6:9.]

¹⁹Nifungulieni malango ya kuingia kwake wongofu, niingie humo, nimshukuru Bwana!

²⁰Hili ndilo lango la kuingia mwake Bwana; waongofu ndio watakaoliingia.

²¹Ninakushukuru, kwa kuwa uliniitikia, maana ulinijia, ukawa mwokozi wangu.[#Sh. 119:71.]

²²Jiwe, walilolikataa waashi, limekuwa la pembeni.[#Yes. 28:16; Mat. 21:42.]

²³Hivyo vimefanywa na Bwana; nasi tukivitazama, ni vya kustaajabu.

²⁴Hii ni siku, Bwana aliyoitengeneza; na tushangilie na kuifurahia!*

²⁵E Bwana, tunakuomba: Tuokoe! E Bwana, tunakuomb: Tupe kushinda!

²⁶Na atukuzwe ajaye kwa Jina la Bwana! Tuliomo Nyumbani mwake Bwana tunawabariki ninyi.[#Mat. 21:9; 23:39.]

²⁷Bwana ni Mungu atuangazaye. Jipambieni sikukuu na kushika makuti, mje kufika kwenye pembe za meza iliyo ya kutambikia!

²⁸Mungu wangu ni wewe, ninakushukuru; Mungu wangu, ninakutukuza.

²⁹Mshukuruni Bwana, ya kuwa ni mwema! ya kuwa upole wake ni wa kale na kale!