Wamchao Mungu hutulia, ijapo wasingiziwe.

¹Okoa, Bwana! Kwani wamekwisha wao wakuchao, nao wakutegemeao wametoweka kwenye wana wa watu.

²Kila mtu na mwenzake husemeana yaliyo uwongo, midomo yao husema yenye ujanja, kwa kuwa wenye mioyo miwili.[#Sh. 73:11.]

³Bwana na akomeshe midomo yote yaliyo yenye ujanja, nazo ndimi zisemazo maneno makuu tu!

⁴Ndio wanaosema: kwa nguvu za ndimi zetu tutashinda sisi, nayo mikono yetu hutusaidia; yuko nani atakayetutawala?[#Sh. 73:8-9.]

⁵Kwa ajili ya taabu zao walio wanyonge na kwa ajili ya yowe zao walio wakiwa nitainuka sasa, ndivyo, Bwana asemavyo, niwapatie wokovu wauchuchumiao.

⁶Maneno ya Bwana ndiyo maneno yaliyo mang'avu hufanana na fedha zilizoyeyushwa chunguni huku nchini, zilizong'azwa hivyo mara saba.[#Sh. 19:9.]

⁷Wewe, Bwana, utayaangalia! Nasi utatuokoa katika uzazi huo kale na kale!

⁸Wasiokucha huendelea na kutuzunguka, kwani maoneo ndiyo yanayotukuzwa kwao watu.[#Fano. 28:12.]