Kuomba msaada.

¹Nilipomwita Bwana katika masongano yangu, akaniitikia.

²Bwana, iponye roho yangu, nisishindwe nao wanaonijia kwa midomo yenye uwongo na kwa ndimi za kudanganya!

³Ninyi ndimi zenye udanganyifu, atawapa nini? Kisha yako mambo gani tena, atakayoendelea kuwapatia ninyi?

⁴Maana zinakuwa kama mishale ya mpiga vita iliyotiwa ukali, au kama makaa ya mshuluti yaliyo yenye moto mwingi.

⁵Ukiwa wangu ni kukaa ugenini huku Meseki na kutua katika mahema yao watu wa Kedari.[#1 Mose 10:2; 25:13.]

⁶Kwa kukaa huku siku nyingi roho yangu inahangaika, maana watu wa huku huuchukia nao utengemano.

⁷Mwenye utengemano ndio mimi, lakini ninaposema nao, wao hutafuta magomvi.