Mchungaji mwelekevu wa Isiraeli.

¹Ninayainua macho yangu na kuyaelekeza milimani, kwani ndiko, utakakotoka msaada wangu.[#Yes. 30:29.]

²Msaada wangu hutoka kwake Bwana, ndiye aliyeziumba mbingu na nchi.[#Sh. 124:8.]

³Hatautoa mguu wako, uje kujikwaa, maana halali usingizi akulindaye.

⁴Tazameni! Halali usingizi, wala hasinzii yeye aliye mlinzi wake Isiraeli.

⁵Bwana ndiye akulindaye, Bwana ni kivuli chako kuumeni kwako,

⁶mchana jua lisikuumize, wala mwezi usiku.

⁷Bwana atakukingia mabaya yote, atailinda roho yako.[#4 Mose 6:24.]

⁸Bwana na akulinde kutoka kwako na kuingia kwako kuanzia sasa hata kale na kale!