Kumsifu mwokozi wetu.

¹Kama Bwana asingalikuwa nasi, Waisiraeli na waseme hivyo:

²Kama Bwana asingalikuwa nasi, watu walipotuinukia,

³wangalitumeza, tukingali wazima bado; ilikuwa hapo, moto wa makali yao ulipotuunguza.

⁴Maji mengi yangalitudidimiza hapo, mito ilipopita juu yetu,[#Sh. 42:8; 69:16.]

⁵kwani hapo mafuriko ya maji yaliyopita juu yetu yangalitutosa kweli.

⁶Bwana na asifiwe! Kwani hakututoa, tunyafuliwe na meno yao!

⁷Roho zetu zimepona, kama ndege anavyopona tanzini, kamba za tanzi zikikatika; ndivyo, sisi tulivyopona nasi.

⁸Msaada wetu uko katika Jina la Bwana, ndiye aliyeziumba mbingu na nchi.[#Sh. 121:2.]