Mbaraka yao wamchao Mungu.

¹Mwenye shangwe ni kila amwogopaye Bwana, azishikaye njia zake!

²Kwani utajilisha yayo hayo, mikono yako iliyoyasumbukia, kwa kuyapata hayo mema yako nawe u mwenye shangwe.

³Mke wako wa nyumbani mwako atafanana na mzabibu uzaao vizuri: watoto wako wataizunguka meza yako kama makuti ya mchikichi.[#Sh. 127:3.]

⁴Kwani ndivyo, mtu anavyobarikiwa akimwogopa Bwana.

⁵Bwana na akubariki toka Sioni, uyatazame mema ya Yerusalemu! Na uyaone na kuyafurahia siku zako zote za kuwapo,[#Sh. 134:3.]

⁶na uone nao watoto wa wanao! Utengemano na uwakalie Waisiraeli![#Sh. 125:5; Gal. 6:16.]