Kumshangilia Mungu.

¹Haleluya! Mshangilieni Bwana kule mbinguni! Mshangilieni huko juu!

²Ninyi malaika zake wote, mshangilieni! Ninyi vikosi vyake vyote, mshangilieni[#Sh. 103:20-22.]

³Jua na mwezi, mshangilieni! Ninyi nyota zote zenye mwanga, mshangilieni!

⁴Mbingu zilizoko juu ya mbingu, mshangilieni pamoja na maji yaliyoko mbinguni juu!

⁵Jina la Bwana lishangilieni! Yeye alipoagiza, ziliumbwa.[#Sh. 33:9.]

⁶Akazisimamisha za kuwapo kale na kale, akazikatia pao pa kuwapo, zisipapite.

⁷Mshangilieni Bwana huku nchini, ninyi nyama wakubwa wa baharini na vilindi vyote!

⁸Moto na mvua ya mawe theluji na kungugu, upepo wa kimbunga ulitimizao Neno lake,

⁹milima na vilima vyote, ijapo viwe vidogo, miti izaayo matunda na miangati yote,

¹⁰nyama wote wa nyumbani nao wa porini, wadudu pamoja na ndege, wao warukao,

¹¹wafalme wa nchi na makabila yote ya watu, wakuu wao wote walio waamuzi wa nchi,

¹²vijana wa kiume nao wa kike, wazee pamoja nao walio watoto,

¹³wote pia na walishangilie Jina la Bwana! Kwani limetukuka peke yake, utukufu wake unaupita wa nchi na wa mbingu.

¹⁴Alipoyaelekeza juu mabaragumu yao walio ukoo wake, ndipo, wote waliomcha walipoyashangilia, wao wana wa Isiraeli walio ukoo wake umkaliao karibu. Haleluya![#Sh. 132:17.]