Kuomba wokovu kwa ajili ya wachukivu wenye nguvu.

¹E Bwana, sikia jambo liongokalo! Yaitikie malalamiko yangu! Sikiliza nikuombayo na midomo isiyodanganya!

²Wewe uniamulie shauri langu, maana macho yako huyatazama yaliyonyoka.[#Sh. 43:1.]

³Umeujaribu moyo wangu na kunikagua usiku, ukaning'aza motoni pasipo kuona kibaya; nikajikaza moyoni kwa ajili ya kinywa changu, kisipite mpaka.[#Sh. 16:7; 139:1.]

⁴Matendo ya mtu yalivyo, ndivyo, midomo yake iumbuavyo; mimi nimejiangalia, nisizifuate njia zao walio wakorofi.

⁵Miguu yangu hushika sawasawa, uiongozapo, nazo nyayo zangu hazikutangatanga.

⁶Mimi nikakuita, Mungu, kwani huniitikia; unitegee sikio lako, usikie ninayokuambia!

⁷Toa magawio yako yastaajabishayo! Kwani huwaokoa wakujeteao, kwa nguvu ya mkono wako huwatoa mikononi mwao wawainukiao.[#Sh. 4:4.]

⁸Nilinde na kuniangalia kama mboni ya jichoni! Nifiche kivulini mwa mabawa yako![#5 Mose 32:10.]

⁹Nisiwaonekee waovu wanikorofishao, wala wachukivu wangu waizungukao roho yangu!

¹⁰Mioyo yao migumu huishupaza, navyo vinywa vyao husema majivuno.

¹¹Tukiwa tunajiendea tu, mara hutuzuia wakitumbuliza macho, wapate kutuangusha chini.

¹²Hufanana na simba atamaniye kunyafua, au na mwana wa simba anyatiaye na kujifichaficha.[#Sh. 10:9.]

¹³Inuka, e Bwana! Umjie mbele, upate kumbwaga! Kwa upanga wako iokoe roho yangu mikononi mwake asiyekucha!

¹⁴Mkono wako, Bwana, uniokoe mikononi mwa waume, ambao kiume chao ni cha dunia hii, fungu lao nalo liko nchini tu. Matumbo yao uyajaze mali zako, washibe pamoja na wana wao, tena watakazozisaza waziachie hao watoto wao![#Luk. 16:25; Fil. 3:19.]

¹⁵Lakini mimi kwa hivyo, nilivyo mwongofu, nautazamia uso wako, niamkiapo nipate kushiba kwa kukuona, ulivyo wewe.

Tukuzo la wokovu.

Kwa mwimbishaji. Wa Dawidi, mtumwa wa Bwana. Alimwambia Bwana maneno ya wimbo huu siku ile, Bwana alipomponya mikononi mwa adui zake wote namo mikononi mwa Sauli.

Akasema