Kumwombea mfalme vitani.

¹Bwana na akuitikie siku ya kusongeka, nalo Jina la Mungu wa Yakobo likuwie ngome![#Fano. 18:10.]

²Na atume kwako msaidiaji atokaye Patakatifu pake! Namo Siyoni atokee atakayekushikiza!

³Na avikumbuke vipaji vyako vyote, ulivyovitoa vya tambiko! Nazo ng'ombe zako za tambiko, ulizomchomea, zimpendeze!

⁴Moyo wako uyatakayo na akupe, nayo mashauri yako yote akutimizie![#Sh. 21:3.]

⁵Na tushangilie hivyo, anavyokuokoa! Katika Jina la Mungu wetu na tutweke bendera, Bwana atakapokutimilizia yote, uliyomwomba.

⁶Sasa nimejua, ya kuwa Bwana humwokoa, aliyempaka mafuta; akamwitikia mbinguni palipo Patakatifu pake, akamtolea nguvu za kuumeni kwake ziokoazo.[#2 Mose 15:6.]

⁷Wengine nguvu zao ni magari, nao wengine farasi, lakini sisi tunajikumbusha Jina la Mungu wetu.[#5 Mose 20:1; Yes. 31:1.]

⁸Hao wakajikwaa, wakaanguka; lakini sisi tukainuka, tukajisimamisha wima.

⁹Bwana, tunakuomba, mwokoe mfalme! Nasi siku, tutakapokuita, utuitikie!