Kuja kwake mfalme mwenye nguvu.

¹Nchi hii ni yake Bwana navyo vyote vilivyomo, hata ulimwengu pamoja nao wakaao humu.[#Sh. 50:12; 1 Kor. 10:26.]

²Kwani yeye aliushikiza kule baharini, nako kwenye majito akaushupaza.[#1 Mose 1:9-10.]

³Yuko nani atakayepanda mlimani kwa Bwana? Tena yuko nani atakayesimama mahali pake patakatifu?[#Sh. 15.]

⁴Ni mwenye viganja vitakatavyo naye mwenye moyo ung'aao; ndiye asiyejitia katika mambo ya bure, wala hakuapa uwongo.

⁵Mema, Bwana aliyompatia, atayatwaa, ndio wongofu upatikanao kwake Mungu aliye na wokovu wake.[#Yes. 48:18.]

⁶Ukoo wao wamtafutao ndivyo, ulivyo, maana hukunyatia wewe, Mungu wa Yakobo, mpaka wauone uso wako.[#Rom. 2:28-29.]

⁷Yanyosheni malango, yawe marefu! Navyo vilango vya kale vipanueni, mfalme mwenye utukufu apate kuingia![#Yes. 40:3-4.]

⁸Huyu mfalme mwenye utukufu ndiye nani? Ni Bwana Mwenye nguvu, aliye mshindaji, kweli, Bwana ni mshindaji, hushinda vitani.

⁹Yanyosheni malango, yawe marefu! Navyo vilango vya kale vipanueni, mfalme mwenye utukufu apate kuingia!

¹⁰Huyu mfalme mwenye utukufu ndiye nani? Bwana Mwenye vikosi, yeye ndiye mfalme, mwenye utukufu.