Kumwomba Mungu, atulinde, atuondolee makosa.

¹Naikweza roho yangu, ikuelekee Bwana.

²Mungu wangu, nimekutegemea, sitapatwa na soni, adui zangu wasipate kushangilia kwa ajili yangu mimi.

³Hawatapatwa na soni kabisa wote wakungojeao, watakaopatwa na soni ndio wakupingao bure.[#Yes. 49:23.]

⁴Unijulishe njia zako, wewe Bwana, nayo mapito yake unifundishe![#Sh. 27:11.]

⁵Niendeshe, niyafuate mambo yako ya kweli, ukinifundisha, kwani wewe nidwe Mungu aniokoaye. Wewe ndiwe, nikungojeaye siku zote.

⁶Kumbuka, Bwana, huruma zako na magawio ya upoke wako! Kwani yaliyo ya kale na kale ndiyo hayo.

⁷Usiyakumbuke maovu, niliyokukosea nilipokuwa kijana, ila unikumbuke kwa upole wako, Bwana, kwani u mwema.[#Iy. 13:26.]

⁸Bwana ni mwema na mwongofu; kwa hiyo huonya wakosaji, wakiwa njiani bado.

⁹Huongoza wanyonge, wakiamuliwa, kweli hufundisha wanyonge njia yake.

¹⁰Penya upole na kweli ndipo pote, Bwana anapotangulia, kwao walishikao Agano lake nayo mashuhuda yake.

¹¹Kwa ajili ya Jina lako, Bwana, niondolee manza, kwani hizo, nilizozikora, ni nyingi mno.[#2 Mose 34:6-7.]

¹²Mtu amwogopaye Bwana yuko nani? Ndiye, atakayemfundisha njia ifaayo, aichague.[#Sh. 32:8.]

¹³Roho yake yeye itakaa palipo pema, nao walio uzao wake wataitwaa nchi.[#Sh. 37:9.]

¹⁴Bwana huwawia mwenzao wa njama wao wamwogopao, nalo Agano lake ndilo, analowajulisha.[#Iy. 29:4; Ef. 1:9.]

¹⁵Macho yangu humtazamia Bwana mchana kutwa, kwani yeye ndiye anasuaye miguu yangu, ikiwa tanzini.

¹⁶Nigeukie, unihurumie! Kwani mimi niko peke yangu na ukiwa wangu.

¹⁷Moyo wangu unaposongeka, uupanulie, kisha unitoe, nilipobanwa!

¹⁸Utazame unyonge wangu na usumbufu wangu, uniondolee yote, niliyoyakosa!

¹⁹Watazame adui zangu! Kwani ni wengi, wakanichukia kwa ukorofi wao uchukizao.[#Sh. 35:19.]

²⁰Uilinde roho yangu, uniponye! Sitapatwa na soni, kwani nimekukimbilia.[#Sh. 16:1.]

²¹Ung'avu na unyofu sharti unikinge, kwani kingojeo changu ndiwe wewe.[#Iy. 1:1.]

²²Mungu, mkomboe Isiraeli katika masongano yake yote![#Sh. 130:8.]