Wimbo wa mtu aliyeokolewa katika kufa.

¹Nitakutukuza Bwana, kwani umeniopoa, hukuwapa adui zangu kunifurahia mimi.[#Sh. 35:19,24.]

²Bwana Mungu wangu, nilipokulilia, ndipo, uliponiponya.

³Bwana, umeipandisha roho yangu, itoke kuzimuni; wengine waliposhuka kaburini, ulinirudisha uzimani.[#Sh. 116:3-4.]

⁴Ninyi mmchao Mungu, mwimbieni Bwana wenu! Mshukuruni, mwakumbushe watu utakatifu wake!

⁵Kwani makali yake hukaa punde kidogo tu, kuwapa watu uzima ndiko kunakompendeza. Kama jioni tunakwenda kulala wenye kilio, asubuhi kimegeuka kuwa kicheko.[#Yes. 54:7.]

⁶Hapo nilipokaa salama nilisema moyoni: Sitatikisika kale na kale.

⁷Bwana, uliponitazama kwa kupendezwa ulikuwa umeushikiza mlima wangu, upate nguvu; lakini ulipouficha uso wako, nikawa nimestuka!

⁸Ndipo, nilipokulilia, wewe Bwana, Bwana wangu ndiye kweli, niliyemlalamikia:

⁹Utapata nini, damu yangu ikimwagwa, nishuke kuzimuni? Mavumbi yatakushukuru nayo, yaitangaze kweli yako?[#Sh. 6:6.]

¹⁰Sikia, Bwana, uniwie mpole! Bwana, nitokee kuwa msaidiaji wangu!

¹¹Maombolezo yangu umeyageuza kuwa mashangilio, ukanivika nguo za mchezo ukinivua gunia,[#Yoh. 16:20.]

¹²roho yangu iliyotukuka hivyo, na ikuchezee, isinyamaze. Bwana Mungu wangu, kale na kale nitakushukuru.[#Sh. 16:9.]