Wabezi hujiponza, wamchao Mungu hubarikiwa.

¹Upotovu husema ndani moyoni mwake yeye asiyemcha Mungu, kumwogopa Mungu hakupo machoni pake.[#Rom. 3:18.]

²Kwani hujidanganya kwamba: Manza, nilizozikora, macho yake hayataziona, asichukizwe nazo.

³Maneno, ayasemayo, ni maovu, tena madanganyifu; hukataa kuonyeka, asifanye mema.

⁴Maovu ndiyo, ayawazayo hapo, anapolala, hujisimamisha katika njia isiyo njema, nacho kilicho kibaya hana mwiko nacho.[#Mika 2:1.]

⁵Bwana, mpaka mbinguni unafika wema wako. welekevu wako unayafikia nayo mawingu.[#Sh. 57:11; 108:5.]

⁶Welekevu wako unasimama kama milima ya Mungu, maamuzi yako nayo hujenga, kama vilindi vijengavyo, Bwana, unawaokoa wote, watu na nyama.[#Sh. 125:1-2.]

⁷Kuliko wema wako, Mungu, hakuna chenye kiasi, wana wa watu hukikimbilia kivuli cha mabawa yako.

⁸Unono wa nyumba yako wanaushiba, navyo vinywaji vya urembo, unavyowanywesha, ni vingi kama vya mto.[#Sh. 23:5.]

⁹Kwani kwako kiko kisima chenye uzima, namo mwangani mwako tunauona mwanga.[#Yer. 2:13.]

¹⁰Ueneze wema wako kwao wakujuao nao wongofu wako kwao wanyokao mioyo!

¹¹Miguu yao wajivunao isinijie, wala mikono yao wasiokucha isinifukuze!

¹²Kwao wafanyao maovu itakuja siku, watakapokuwa wameanguka, watakuwa wamebwagwa, wasiweze kuinuka tena.