Boma letu ni Mungu.

¹*Mungu ni boma letu la kukimbilia, ni msaada wetu, tuliouona katika masongano kuwa wa kweli.

²Kwa hiyo hatuogopi, ijapo nchi iondoke, ijapo milima ianguke baharini ndani.

³Hata bahari ikivuma sana na kukuza mawimbi yake, mpaka milima itetemeke kwa kuumuka kwao: Bwana Mwenye vikosi yuko, yuko pamoja nasi, ngome yetu yenye nguvu ni Mungu wa Yakobo.

⁴Uko mto wa kuufurahisha mji wa Mungu kwa vijito vyake, nayo makao matakatifu yake Alioko huko juu yamo humo.[#Sh. 48:3; 2 Fal. 19:21; Yes. 12:3.]

⁵Mungu mwenyewe yumo mwake, hautatetemeshwa, Mungu huusaidia, kunapokucha asubuhi.

⁶Wamizimu walichafuka, ufalme wao ukatikisika, napo hapo, ngurumo yake yeye iliposikilika, nchi ikayeyuka.

⁷Bwana Mwenye vikosi yuko, yuko pamoja nasi, ngome yetu yenye nguvu ni Mungu wa Yakobo.

⁸Njoni, mzitazame kazi zake yeye Bwana aletaye maangamizo katika nchi yaliyo hivyo![#2 Fal. 19:35.]

⁹Kisha huvikomesha vita nako huko mapeoni kwa nchi akizivunja pindi na kuikatakata mikuki, akiyaunguza magari motoni.[#Sh. 76:4.]

¹⁰Acheni, mjue, ya kuwa Mungu ndio mimi! Nitatukuka kwenye wamizimu, nitatukuka nchini.

¹¹Bwana Mwenye vikosi yuko, yuko pamoja nasi, ngome yetu yenye nguvu ni Mungu wa Yakobo.*