Tambiko la kweli.

¹Bwana Mungu aliye Mungu kweli alisema, akaziita nchi, akianzia maawioni kwa jua, afike nako machweoni kwake.[#1 Mambo 25:1.]

²Sioni ndimo, utokeamo uzuri usiopitika, maana ndimo, Mungu atokezamo mwangaza wake.

³Mungu wetu anakuja, hanyamazi; moto ulao unamtangulia, upepo uvumao na nguvu unamzinga.[#Sh. 96:13.]

⁴Anaziita mbingu huko juu, hata nchi za chini, zione, jinsi atakavyowaamulia walio ukoo wake:[#Yes. 1:2.]

⁵Wakusanyeni kwangu wao wanichao, ndio waliofanya agano na mimi na kunitambikia![#2 Mose 24:4-8.]

⁶Ndipo, mbingu zilipoutangaza wongofu wake, kwani Mungu aliye mwamuzi ndiye yeye.

⁷Sikilizeni ninyi mlio ukoo wangu, niseme nanyi, ninyi Waisiraeli, niwashuhudie kwamba: Mungu aliye Mungu wako ndio mimi.

⁸Kwa ajili ya ng'ombe zako za tambiko sikuonyi, ng'ombe za tambiko, ulizoziteketeza, ziko machoni pangu siku zote.[#Yes. 1:11.]

⁹Sitachukua madume ya ng'ombe nyumbani mwako, wala mabeberu mazizini mwako.

¹⁰Kwani nyama wote wa porini ni wangu, nao wakaao milimani, ni maelfu na maelfu.

¹¹Ninawajua ndege wote walioko vilimani, hata nyama walioko mashambani ni mali zangu.

¹²Kama ningekuwa na njaa, nisingesema na wewe, kwani nchi zote navyo vyote vilivyomo ni vyangu mimi.

¹³Nile nyama za ng'ombe? Au ninywe damu za mbuzi?

¹⁴*Kumshukuru Mungu kuwe kwako ng'ombe ya tambiko, ukimlipa yule Alioko huko juu uliyomwapia!

¹⁵Siku, utakaposongeka, uniite! Ndipo, nitakapokuokoa, kisha unitukuze![#Sh. 81:8; 91:15; Iy. 22:27.]

¹⁶Lakini asiyemcha Mungu humwambia: Sababu gani unayasimulia maagizo yangu? Nacho kinywa chako kinayasemaje maneno ya Agano langu?[#Rom. 2:21-23.]

¹⁷Nawe unachukizwa unapoonywa, nayo maneno yangu unayatupia nyuma.

¹⁸Ukiona mwizi, ni rafiki yako, tena hufanya bia nao walio wazinzi.[#Ef. 5:11.]

¹⁹Kinywa chako unakisemesha yaliyo mabaya, ulimi wako hutunga madanganyo.

²⁰Ukikaa na ndugu yako unamsengenya, naye mtoto wa mama yako unamtukana.

²¹Hivyo ndivyo, ulivyovifanya, nikavinyamazia; ndipo, uliponiwazia kuwa sawa kama wewe. Kwa hiyo ninakuonya nikivitolea machoni pako.[#Sh. 73:11.]

²²Nanyi mliomsahau Mungu, yatambueni, nisije kuwararueni, pasiwepo mponya!

²³Kunishukuru ndio ng'ombe ya tambiko initukuzayo; hiyo ni njia ya kumwonyesha mtu wokovu wa Mungu.*