Mapatilizo ya waovu.

³Unajivuniaje ubaya, wewe jitu? Upole wake Mungu uko siku zote.[#1 Sam. 22:9-19.]

⁴Ulimi wako huwaza, jinsi utakavyoangamiza, unafanana na wembe mkali, wewe mfanya madanganyo.

⁵Unapenda mabaya kuliko mema, kuliko mambo yaongokayo unao uwongo.

⁶Unapenda maneno yote yapotezayo, kweli u mwenye ulimi wa udanganyifu.

⁷Kwa hiyo Mungu naye atakuponda, akutoweshe kale na kale, kwenye kituo chako atakupokonya, akung'oe katika nchi yao walio hai.

⁸Waongofu wakiviona wataogopa, lakini yeye watamcheka na kusema:[#Sh. 91:8.]

⁹Mtazameni mtu asiyemweka Mungu kuwa ngome yake! Aliziegemea mali zake kwa kuwa nyingi, akajivunia nguvu zake za kuangamiza watu.

¹⁰Lakini mimi nafanana na mchekele wenye majani mengi kwa kukaa Nyumbani mwake Mungu, kwani upole wa Mungu ndio, niliouegemea pasipo kukoma kale na kale.[#Sh. 92:13-15.]

¹¹Nitakushukuru kale na kale kwa matendo yako, nitalingojea Jina lako lipendezalo kwao wakuchao.