Umnyamazie Mungu!

¹Roho yangu inamnyamazia Mungu peke yake, wokovu wangu utoke kwake yeye.[#Sh. 39:1; Yes. 30:15.]

²Yeye tu ndiye mwamba wangu na wokovu wangu, ndiye ngome yangu, sitatikisika kamwe.

³Mpaka lini ninyi nyote mwamrukia mtu mmoja, mpate kumwua? mpaka awe kama ukuta unaoyumbayumba au kama kitalu kichakaacho?

⁴Njama zao ni kutafuta, jinsi watakavyomwondoa katika ujumbe, kwa hiyo hupendezwa na uwongo. Vinywa vyao hubariki, lakini mioyoni wanaapiza.

⁵Roho yangu, umnyamazie Mungu peke yake! Kwani kwake yeye ndiko, kingojeo changu kiliko.

⁶Yeye tu ndiye mwamba wangu na wokovu wangu, ndiye ngome yangu, sitatikisika.[#Sh. 18:2-3.]

⁷Wokovu wangu na utukufu wangu uliko, ndiko kwake Mungu, ni mwamba wangu wenye nguvu, kimbilio languliko kwake Mungu.[#Sh. 61:4.]

⁸Mwegemeeni siku zote, ninyi wenzangu wa ukoo! Imimineni mioyo yanu mbele yake! Kimbilio letu ndiye Mungu.

⁹Kweli wana wa watu huwa mvuke, nao ubwana wao ni wa uwongo; wakipimwa katika mizani, hupanda juu, wote pamoja ni wepesi kuliko mvuke.

¹⁰Msiuegemee ukorofi wala unyang'anyi, usiwapofushe! Mali zikiwa nyingi, msiziweke mioyoni![#Mat. 19:22; Luk. 12:19-20; 1 Tim. 6:17.]

¹¹Mungu alisema neno moja, nimelisikia mara mbili zote, ni lile la kwamba: Nguvu ni yake Mungu.

¹²Wewe Bwana u mwenye upole, utamlipa mtu, kama matendo ya mtu yalivyo, ndivyo, utakavyomlipa.[#Rom. 2:6-11.]