Kuulilia uchakavu wa Nyumba ya Mungu.

¹Kwa sababu gani, Mungu, umetutupa kale na kale, moshi wa moto wa makali yako ukipanda kwao walio kondoo wako wa kuwachunga?

²Likumbuke kundi lako, ulilojipatia kale ulipolikomboa, liwe ukoo wako na fungu lako! Ukumbuke mlima wa Sioni, kao lako liliko![#Sh. 132:13.]

³Inuka, uielekeze miguu yako kuja huku kulikobomolewa kale, maana adui wamefanya, patakatifu pawe pabaya pote.

⁴Wabishi wako hupiga makelele pako pa kukusanyikia, wakazitweka bendera zao, zionyeshe nguvu zao.

⁵Tukiwatazama, wamefanana na watu wainuao mashoka juu, wakate miti iliyoko mwituni.

⁶Sasa mapambo yake yaliyochorwa, yote pia wanayakatakata kwa mashoka na kwa nyundo.

⁷Numba yako takatifu wameichoma moto, wakalichafua Kao la Jina lako mpaka chini.[#2 Fal. 25:9.]

⁸Walisema mioyoni mwao kwamba: Na tuwamalize wote pamoja! Nyumba za Mungu zilizoko katika nchi hii wakaziteketeza zote.[#Sh. 83:13.]

⁹Vielekezo vyetu hatuvioni tena, wala hakuna mfumbuaji, Kweli hakuna kwetu ajuaye, kama vitakoma lini.

¹⁰Mungu, hao watusongao watutukane mpaka lini? Adui walisimange Jina lako kale na kale?

¹¹Mbona mkono wako unaurudisha nyuma? Utoe mkono wako wa kuume kifuani pako, uje, uwamalize!

¹²Lakini Mungi ni mfalme wangu tangu zamani za kale, ndiye anayetengeneza wokovu huku nchini.

¹³Wewe uliitenga bahari kwa nguvu yako, ukavivunja vichwa vyao nyangumi waliomo majini.[#2 Mose 14:21; 15:8-10; Hab. 3:15.]

¹⁴Wewe huviponda vichwa vyao wale papa wakubwa, ukawapa watu wakaao barani, wawalie chakula.

¹⁵Wewe hutoa mchangani visima, hata vijito, nayo majito yaliyokuwa yenye maji siku zote huyapwelesha wewe.[#Sh. 104:10.]

¹⁶Wako ni mchana, usiku nao ni wako; wewe ndiwe uliyeweka mbalamwezi nalo jua.[#Sh. 104:19; 2 Mose 17:6; Yos. 3:15-16.]

¹⁷Mipaka yote ya nchi wewe uliikata, ukaziumba siku za kiangazi nazo za kipupwe.

¹⁸Bwana, wakumbuke adui, ya kuwa hukutweza, nao watu wajinga hulibeza Jina lako.

¹⁹Roho ya hua wako usiitoe, nyama wa porini akaipata, wala usiwasahau kale na kale wanyonge wako, wawepo wenye uzima![#Ufu. 13:1.]

²⁰Lile Agano liko, na ulitazame! Kwani maficho yote ya nchi yamegeuka kuwa makao ya ukorofi.

²¹Akorofikaye usimwache, ajiendee kwa kuona soni! Wanyonge na wakiwa ndio watakaolitukuza Jina lako.

²²Inuka, Mungu, ujigombee kondo, kwani ni yako! Kumbuka, jinsi unavyotwezwa na wajinga siku zote![#Sh. 14.]

²³Usiyasahau makelele yao wabishi wako! Mafujo yao wakuinukiao yanaongezeka siku kwa siku.