Udogo na ukuu wa mtu.

¹Bwana Mungu wetu, Jina lako hutukuka sana katika nchi zote, maana umeutanda utukufu wako kule mbinguni.

²Vinywani mwao watoto wachanga namo mwao wanyonyao ulijitengenezea tukuzo, upate kuwashinda wao wakupingiao, upate kumnyamazisha hata mchukivu naye ajilipizaye.[#Mat. 21:16.]

³Ninapozitazama mbingu zako, vidole vyako vilizoziumba, hata mwezi nazo nyota, ulizoziweka wewe,[#Sh. 19:2.]

⁴basi, mtu ndio nini, umkumbuke? mwana wa mtu naye, umkague?[#Sh. 144:3; Ebr. 2:6-9.]

⁵Ulimpunguza kidogo, asilingane na wewe, Mungu, lakini macheo na mapambo yenye utukufu ndiyo, uliyomvika.[#1 Mose 1:26.]

⁶Ukampa kuyatawala yote, mikono yako iliyoyafanya, yote pia ukayaweka kuwa chini miguuni pake:[#Mat. 28:18; 1 Kor. 15:27.]

⁷kondoo na ng'ombe wote pamoja, nao nyama wa porini,

⁸hata ndege wa anga nao samaki wa baharini, nao nyama wote waliomo vilindini mwa bahari.

⁹Bwana Mungu wetu, Jina lako hutukuka sana katika nchi zote.