Kuitunukia Nyumba ya Mungu.

¹Kwa mwimbishaji, wa kuimba kama wimbo wa wagemaji? Wimbo wa wana wa Kora.[#1 Mambo 26:1.]

²*Hapo, unapokaa, Bwana Mwenye vikosi, ndipo pazuri peke yake.

³Roho yangu ilitaka kuzimia kwa kuzitunukia nyua za Bwana; moyo wangu na mwili wangu unamshangilia Mungu Mwenye uzima.[#Sh. 25:8; 42:3,5.]

⁴Kumbe ndege ameona nyumba, kinega akajipatia kiota, ndimo, atakamozaa makinda yake: ndipo, unapotambikiwa wewe, Bwana Mwenye vikosi, uliye mfalme wangu na Mungu wangu.[#Sh. 5:3.]

⁵Wenye shangwe ndio wakaao katika Nyumba yako, wanaokushangilia pasipo kukoma.[#Sh. 65:5.]

⁶Wenye shangwe ndio wajitafutiao nguvu kwako wewe, wawazao mioyoni mwao, jinsi watakavyofika kwako.

⁷Ijapo, wapite katika bonde lilizalo wengine, hulitumia kuwa kisima cha kuwanywesha maji, kwani mvua ya vuli hulichipuza nalo na kulipatia mbaraka.[#Sh. 119:92.]

⁸Huendelea na kuongeza nguvu mara kwa mara, mpaka wamtokee Mungu kule Sioni na kumwambia:

⁹Bwana Mungu Mwenye vikosi, sikiliza ninayokuomba! Tega masikio, Mungu wa Yakobo!

¹⁰Mungu uliye ngao yetu, unitazame, uuone uso wake uliyempaka mafuta![#Sh. 72:15.]

¹¹Kwani siku moja ya kukaa katika nyua za Bwana ni nzuri kuliko nyingine, ijapo ziwe elfu. Kungoja zamu mlangoni kwa nyumba ya Mungu kwanipendeza kuliko kukaa mahemani kwao wasiomcha Mungu.[#Sh. 27:4.]

¹²Kwani Bwana Mungu ni jua na ngao, Bwana hutugawia nao utukufu, wanaoendelea wakimcha hawanyimi chema cho chote.[#Sh. 3:4; 34:11.]

¹³Mtu akuegemeaye, Bwana Mwenye vikosi, ndiye mwenye shangwe.*