Utukufu wake Mungu.

¹*Bwana ni mfalme, huvaa yenye urembo; kweli Bwana huvaa, nayo nguvu ndiyo, aliyojifunga kiunoni. Hivyo ndivyo, alivyoishikiza nchi, isije kuyumbayumba.[#Sh. 96:10; 97:1; 99:1; 2 Mose 15:18.]

²Kiti chake cha kifalme kimeshikizwa na nguvu tangu mwanzo, tangu kale na kale wewe upo.

³Bwana, huzivumisha sauti zao mito mikubwa, kweli mito mikubwa huzivumisha sauti zao, huvivumisha vishindo vyao hiyo mito mikubwa.

⁴Lakini nguvu za mavumi ya hayo mafuriko ya maji yaliyo mengi, hata nguvu za mawimbi ya bahari yaumukayo zinapitwa na nguvu zake Bwana atukukaye. Mashuhuda yako hutegemeka sana,

⁵pambo liipasalo Nyumba yako, Bwana, ndio utakatifu, nao utakuwako siku zote zitakazokuwa.*[#Sh. 19:8-11.]