Kumshukuru Mungu mchungaji wetu.

¹Njoni, tumpigie vigelegele yeye Bwana! Aliye mwamba wa wokovu wetu na tumshangilie![#Sh. 81:1.]

²Na tumtokee usoni pake na kumshukuru! Na tumshangilie na kumwimbia!

³Kwani Bwana ndiye Mungu aliye mkuu, ni mfalme mkuu kuliko miungu yote.[#Sh. 96:4.]

⁴Kwani mkononi mwake vimo vilivyomo ndani ya nchi, vileleni kwa milima nako ndiko kwake.

⁵Bahari ni yake, maana ndiye aliyeifanya, mikono yake iliziumba nazo hizo nchi kavu.

⁶Njoni, tumtambikie na kumwangukia! Na tupige magoti mbele yake Bwana aliyetufanya!

⁷Kwani yeye ni Mungu wetu, nasi watu wake, hutuchunga kwa kuwa kondoo waliomo mkononi mwake.[#Sh. 100:3; Yoh. 10:27-28; Ebr. 3:7; 4:7.]

⁸Leo mtakapoisikia sauti yake, msiishupaze mioyo yenu, kama vilivyokuwa kule Meriba au Masa, mlipokuwa kule nyikani.[#Ebr. 3:7-8; 4:7.]

⁹Ndipo, baba zenu waliponijaribu na kunipima, tena walikuwa wameyaona matendo yangu.[#2 Mose 17:2-7.]

¹⁰Nikachafuliwa moyo miaka arobaini nao wa kizazi hicho, nikasema: Wao ndio watu walioipoteza mioyo yao, nao ndio waliokataa kuzitambua njia zangu.

¹¹Kwa hiyo nilijiapia kwa makali yangu: Hawataingia kamwe kwenye kituo changu![#4 Mose 14:22-23; Ebr. 4:3.]