Kumshukuru Mungu aliye mfalme hata mwisho.

¹Mwimbieni Bwana wimbo mpya! Kwani hufanya mataajabu. Mkono wake wa kuume humpatia kushinda. maana huo mkono wake ni wenye utakatifu.[#Sh. 33:3.]

²Bwana huujulisha wokovu wake, machoni pao wamizimu huufunua wongofu wake.

³Huukumbuka upole na welekevu wake, aliouagia mlango wa Isiraeli, mapeo yote ya nchi yameuona wokovu wa Mungu wetu.[#Yes. 52:10.]

⁴Mpigieni Bwana shangwe, nchi zote! Pazeni sauti! Shangilieni na kumwimbia!

⁵Mwimbieni Bwana na kupiga mazeze, mazeze yakizifuata sauti za nyimbo!

⁶Pigeni mabaragumu yenye kulia sana mkishangilia mbele yake bwana, ya kuwa ni mfalme![#4 Mose 23:21.]

⁷Bahari na ivume nayo yote yaliyomo! Hata nchi pamoja nao wakaao humo![#Sh. 96:11-13.]

⁸Mito mikubwa na iitikie na milima pamoja, yote na ishangilie!

⁹Bwana atakapokuja ataihukumu nchi, atauhukumu ulimwengu kwa wongofu nayo makabila ya watu kwa unyofu.*