Kuushukuru utakatifu wa Mungu.

¹Bwana ni mfalme, kwa hiyo makabila ya watu hutetemeka. Yeye anakaa juu ya Makerubi, lakini nchi inayumbayumba.[#Sh. 80:2; 93:1.]

²Bwana ni mkuu mle Sioni, anayapita makabila yote ya watu kwa kutukuka.

³Na walishukuru Jina lako kubwa lililo la kuogopesha; aliye mtakatifu ndiye yeye.

⁴Nguvu za mfalme huyu ni kupenda maamuzi yaliyo sawa. Wewe ndiwe uliyetoa unyofu wa kuyashikiza, nawe ndiwe uliyeamua kwa Yakobo maamuzi yaongokayo.[#Yes. 9:7.]

⁵Mtukuzeni Bwana, Mungu wetu! Hapo, anapoiwekea miguu yake, mwangukieni! Aliye mtakatifu ndiye yeye.[#1 Mambo 28:2.]

⁶Mose na Haroni walikuwa miongoni mwao watambikaji wake, Samueli alikuwa miongoni mwao waliolililia Jina lake.[#Yer. 15:1.]

⁷Alisema nao akiwa amejificha katika wingu lililokuwa kama nguzo, wao wakayashika maneno, aliyowashuhudia, hata maagizo, aliyowapa.

⁸Bwana, wewe ndiwe Mungu wetu. uliwaitikia kwa kuwa Mungu wao aondoaye makosa, tena kwa ajili ya matendo yao ukawalipiza.

⁹Mtukuzeni Bwana, Mungu wetu! Mwangukieni mlimani kwenye utakatifu wake! Kwani Bwana Mungu wetu ni mtakatifu.