Uzuri wa mpenzi mke.

¹Nikikutazama, mpenzi wangu, u mwanamke mzuri,

nikikutazama, u mwanamke mzuri kweli,

macho yako huwa ya hua yakichungulia katika mtandio wako;

nywele zako zinafanana na kundi la mbuzi

walalao upande wa kushukia wa mlimani kwa Gileadi.

²Meno yako ni kama kundi la kondoo waliokatwa manyoya,

wanaopanda na kutoka majini wakiisha kuogeshwa,

wote pia ni wenye wana wa pacha,

kwao hakuna hata mmoja aliye peke yake.

³Midomo yake ni kama uzi wenye rangi nyekundu,

kinywa chako kinapendeza nacho.

Shavu lako huonekana mtandioni mwako

kuwa kama komamanga ipevukayo sana.

⁴Shingo yako ni kama mnara wa Dawidi uliojengewa selaha,

vigao elfu viko vimeangikwa kwake,

vyote pia ni vya kuwakingia mafundi wa vita.

⁵Maziwa yako mawili yanafanana na vitoto viwili vya kulungu

au na wana wa pacha wa paa walishwao penye nyinyoro.

⁶Mpaka jua la mchana lipunguke ukali, vivuli vijiendee mbiombio,

ndipo, nitakapokwenda zangu mlimani kwenye manemane,

⁷Wewe, mpenzi wangu, u mzuri peke yako, huna doadoa kabisa.”[#Sh. 45:14.]

⁸Toka Libanoni, mchumba wangu, twende pamoja!

Toka Libanoni, twende pamoja, njoo!

Tazama, huko juu Amana nako juu Seniri na Hermoni

ndiko, simba wanakokaa, hata machui wako kule milimani.

⁹Umenipokonya moyo wangu, uliye umbu na mchumba wangu;

umenipokonya moyo wangu, kwa kunitazama na jicho lako moja tu,

ukanifunga kwa kikufu kimoja, unachokivaa shingoni pako.

kukumbatiana na wewe kunapendeza kuliko kunywa mvinyo,

mnuko wa mafuta yako ni mzuri kuliko wa manukato yote.

¹¹Midomo yako, mchumba wangu, inadondoka asali safi,

asali na maziwa ndiyo yaliyoko chini ya ulimi wako,

nao mnuko wa mavazi yako ni mzuri kama wa Libanoni.

¹²Umbu langu aliye mchumba wangu ni bustani iliyofungwa,

¹³Machipukizi yako ni kimwitu cha mikomamanga

izaayo matunda yapendezayo sana, nayo mihina na miafu iko.

¹⁴Iko hata mianjano na mikumbi na mikoroshi na midalasini,

miti yote itokayo uvumba na manemane nayo mishubiri iko,

tena iko miti yote itokayo manukato yapitayo mengine.

¹⁵Nayo chemchemi iko bustanini na kisima chenye maji ya uzima

¹⁶Inuka, upepo wa kaskazini! Njoo, upepo wa kusini!

Vuma bustanini mwangu, minuko yake mizuri ifurikie!

¹⁷Mpendwa wangu aingie bustanini pake,

ayale matunda yake yapendezayo!