Orodha ya makuhani na Walawi

¹Basi, hawa ndio makuhani na Walawi waliopanda na Zerubabeli, mwana wa Shealueli, na Yoshua; Seraya, Yeremia, Ezra;[#Ezr 2:1; Neh 10:2-8]

²Amaria, Maluki, Hatushi;

³Shekania, Harimu, Meremothi;

⁴Ido, Ginethoni, Abia;[#Lk 1:5]

⁵Miyamini, Maazia, Bilgai;

⁶Shemaya, Yoyaribu, Yedaya;

⁷Salu, Amoki, Hilkia, Yedaya. Hawa walikuwa wakuu wa makuhani na ndugu zao siku za Yoshua.[#Hag 1:1; Zek 3:1]

⁸Tena Walawi; Yeshua, Binui, Kadmieli, Sherebia, Yuda, na Matania, aliyekuwa juu ya shukrani, yeye na ndugu zake.[#1 Nya 16:8,41; Neh 11:17]

⁹Tena Bakbukia na Uno, washiriki wenzao walisimama mkabala wao.

¹⁰Naye Yoshua akamzaa Yoyakimu, Yoyakimu akamzaa Eliashibu, Eliashibu akamzaa Yoyada,

¹¹Yoyada akamzaa Yohana, Yohana akamzaa Yadua.

¹²Na siku za Yoyakimu wakawako makuhani, wakuu wa mbari za mababa; wa Seraya, Meraya; wa Yeremia, Hanania;

¹³wa Ezra, Meshulamu; wa Amaria, Yehohanani;

¹⁴wa Maluki, Yonathani; wa Shekania, Yusufu;

¹⁵wa Harimu, Adna; wa Meremothi, Helkai;

¹⁶wa Ido, Zekaria; wa Ginethoni, Meshulamu;

¹⁷wa Abia, Zikri; wa Miyamini; wa Maazia, Piltai;

¹⁸wa Bilgai, Shamua; wa Shemaya, Yehonathani;

¹⁹wa Yoyaribu, Matenai; wa Yedaya, Uzi;

²⁰wa Salu, Kalai; wa Amoki, Eberi;

²¹wa Hilkia, Hashabia; wa Yedaya, Nethaneli.

²²Walawi siku za Eliashibu, na Yoyada, na Yohana, na Yadua, wameorodheshwa wakuu wa mbari za mababa; tena na makuhani; hata siku za kumiliki kwake Dario, Mwajemi.

²³Wana wa Lawi, wakuu wa mbari za mababa, wameandikwa katika kitabu cha kumbukumbu hadi siku za Yohana mwana wa Eliashibu.[#1 Nya 9:14]

²⁴Nao wakuu wa Walawi; Hashabia, Sherebia, Yeshua, Binui, Kadmieli, na ndugu zao kuwaelekea, ili kusifu na kushukuru, kama amri ya Daudi, mtu wa Mungu, zamu kwa zamu.[#1 Nya 23:1; 25:1; Ezr 3:11]

²⁵Matania, Bakbukia, Obadia, Meshulamu, Talmoni, na Akubu, walikuwa mabawabu, wa kulinda nyumba za hazina katika malango.

²⁶Hao walikuwapo siku za Yoyakimu, mwana ya Yoshua, mwana wa Yosadaki, na siku za Nehemia, mtawala, na Ezra, kuhani na mwandishi.[#Neh 8:9; Ezr 7:6,11]

Kuzinduliwa kwa ukuta wa mji

²⁷Basi, walipouweka wakfu ukuta wa Yerusalemu wakawatafuta Walawi katika mahali pao pote, ili kuwaleta Yerusalemu, ili waweze kusherehekea kuweka wakfu pamoja na furaha, na kwa shukrani, na kwa kuimba, kwa matoazi, vinanda na vinubi.[#Kum 20:5; 1 Nya 25:6; 2 Nya 5:13; Zab 81:1-3; Ufu 5:8]

²⁸Waimbaji wakakusanyika kutoka uwanda na viunga vya Yerusalemu, na kutoka vijiji vya Wanetofathi;

²⁹tena kutoka Beth-gilgali, na toka mashamba ya Geba na Azmawethi; kwa maana waimbaji hao walikuwa wamejijengea vijiji katika viunga vya Yerusalemu.

³⁰Makuhani na Walawi wakajitakasa, nao wakawatakasa watu, na malango, na ukuta.[#Kut 19:10]

³¹Ndipo nikawapandisha viongozi wa Yuda juu ya ukuta, nikawatenga makundi mawili makubwa ya hao walioandamana na kushukuru, liende upande wa kulia ukutani kuliendea lango la jaa;[#Neh 2:13]

³²na baada yao wakaenda Hoshaya, na nusu ya wakuu wa Yuda,

³³na Azaria, na Ezra, na Meshulamu,

³⁴na Yuda, na Benyamini, na Shemaya, na Yeremia,

³⁵na baadhi ya makuhani wenye baragumu; Zekaria, mwana wa Yonathani, mwana wa Shemaya, mwana wa Matania, mwana wa Mikaya, mwana wa Zakuri, mwana wa Asafu;[#Hes 10:2; Yos 6:4; 2 Nya 5:12]

³⁶na ndugu zake, Shemaya, Azareli, Milalai, Gilalai, Maai, Nethaneli, Yuda, na Hanani, wenye vinanda vya Daudi mtu wa Mungu; Ezra, mwandishi, akawatangulia;[#1 Nya 23:5; 2 Nya 8:14; Amo 6:5]

³⁷na kwa lango la chemchemi, wakienda moja kwa moja mbele yao, wakapanda madaraja ya mji wa Daudi, uinukapo ukuta, juu ya nyumba ya Daudi, mpaka lango la maji upande wa mashariki.[#Neh 2:14; 2 Sam 5:7-9; Neh 3:15,26]

³⁸Na kundi la pili wao wenye kushukuru wakaenda kuwalaki, na mimi nikafuata nyuma yao, pamoja na nusu ya watu, ukutani juu ya mnara wa tanuri, mpaka ule ukuta mpana;[#Neh 3:8,11]

³⁹na juu ya lango la Efraimu, na kupita lango la kale, na lango la samaki, na mnara wa Hananeli, na mnara wa Hamea, mpaka lango la kondoo; nao wakasimama hapo langoni pa gereza.[#2 Fal 14:13; Neh 3:6; Yer 32:2]

⁴⁰Ndivyo walivyosimama makundi mawili yao walioshukuru nyumbani mwa Mungu, na mimi, na nusu ya viongozi pamoja nami;[#Zab 42:4]

⁴¹na makuhani, Eliakimu, Maaseya, Miyamini, Mikaya, Elioenai, Zekaria na Hanania, wenye baragumu;

⁴²na Maaseya, na Shemaya, na Eleazari, na Uzi, na Yehohanani, na Malkiya, na Elamu, na Ezeri. Waimbaji wakaimba kwa sauti kuu, akiwa Yezrahia msimamizi wao.

⁴³Wakatoa dhabihu nyingi siku ile, wakafurahi; kwa kuwa Mungu amewafurahisha furaha kuu; na wanawake pia na watoto wakafurahi; hata ikasikika mbali sana furaha hiyo ya Yerusalemu.[#Zab 9:2; 92:4]

Majukumu ya hekaluni

⁴⁴Na siku hiyo watu wakaagizwa juu ya vyumba vya hazina, kwa sadaka za kuinuliwa, na kwa malimbuko, na kwa zaka, ili kuzikusanya, kwa kadiri ya mashamba ya miji, sehemu zilizoamriwa katika torati za makuhani, na Walawi; kwa maana Yuda waliwafurahia makuhani na Walawi waliotumika.[#2 Nya 13:11,12; Neh 13:5]

⁴⁵Wakauangalia ulinzi wa Mungu wao, na ulinzi wa kutakasika, na hao waimbaji na mabawabu vile vile, sawasawa na amri ya Daudi, na ya Sulemani mwanawe.[#1 Nya 25:1]

⁴⁶Kwa kuwa siku za Daudi zamani, Asafu alikuwa mkuu wa waimbaji, na juu ya nyimbo za sifa na shukrani kwa Mungu.

⁴⁷Na Israeli wote, siku za Zerubabeli, na siku za Nehemia, walitoa sehemu za waimbaji na mabawabu, kama ilivyohusika kila siku; nao wakawatakasia Walawi; na Walawi wakawatakasia wana wa Haruni.