Uzuri wa bibi arusi usio na kifani

¹Mpendwa wako amekwenda wapi,[#Wim 1:8]

Wewe uliye mzuri katika wanawake?

Mpendwa wako amegeukia upande upi,

Ili tumtafute pamoja nawe?

²Mpendwa wangu ameshukia bustani yake,[#Isa 40:11; Sef 3:17; Ufu 7:17; Isa 56:8; Yn 10:16]

Kwenye matuta ya rihani;

Ili kulisha penye bustani,

Ili kuchuma nyinyoro.

³Mimi ni wake mpendwa wangu, naye ni wangu,[#Wim 2:16; Ufu 21:2]

Hulisha kundi lake penye nyinyoro.

⁴Mpenzi wangu, u mzuri kama Tirza,[#2 Kor 10:4]

Mwenye kupendeza kama Yerusalemu,

Wa kutisha kama jeshi lenye bendera.

⁵Uyageuzie macho yako mbali nami,[#Wim 4:1]

Kwa maana yamenitisha sana.

Nywele zako ni kama kundi la mbuzi,

Wakijilaza mbavuni pa Gileadi.

⁶Meno yako kama kundi la kondoo,

Wakipanda kutoka kuoshwa;

Ambao kila mmoja amezaa mapacha,

Wala hakuna aliyefiwa kati yao.

⁷Mashavu yako ni kama kipande cha komamanga,

Nyuma ya barakoa yako.

⁸Wako malkia sitini, na masuria themanini,

Na wanawali wasiohesabika;

⁹Hua wangu, mkamilifu wangu, ni mmoja tu,

Mtoto wa pekee wa mamaye.

Ndiye kipenzi chake aliyemzaa,

Binti wakamwona wakamwita heri;

Malkia na masuria nao wakamwona,

Wakamsifu, wakisema,

¹⁰Ni nani huyu atazamaye kama alfajiri,

Mzuri kama mwezi, safi kama jua,

Wa kutisha kama wenye bendera?

¹¹Nilishukia katika bustani ya milozi,[#Wim 7:12]

Ili kuyatazama machipuko ya bondeni;

Nione kama mzabibu umechanua,

Kama mikomamanga imetoa maua.

¹²Kabla sijajua, roho yangu ilinileta

Katikati ya magari ya wakuu wangu.

¹³Rudi, rudi, Mshulami,

Rudi, rudi, ili sisi tukutazame.

Kwani mnataka kumtazama Mshulami,

Kama kutazama ngoma ya Mahanaimu?