Mabawabu wa hekalu

¹Kwa zamu zao mabawabu; wa Wakora; Meshelemia mwana wa Kore, wa wana wa Ebiasafu.[#Hes 16:1,2; 26:9-11; 1 Nya 9:17; 15:18; 2 Nya 23:19; Yud 1:11; 1 Nya 6:39]

²Naye Meshelemia alikuwa na wana; Zekaria mzaliwa wa kwanza, Yediaeli wa pili, Zebadia wa tatu, Yathnieli wa nne;

³Elamu wa tano, Yohana wa sita, Elioenai wa saba.

⁴Naye Obed-edomu alikuwa na wana; Shemaya mzaliwa wa kwanza, Yehozabadi wa pili, Yoa wa tatu, na Sakari wa nne, na Nethaneli wa tano;

⁵Amieli wa sita, Isakari wa saba, Peulethai wa nane; kwa jinsi Mungu alivyombariki.[#1 Nya 13:14; Mwa 33:5; Zab 127:3]

⁶Naye mwanawe Shemaya akazaliwa wana, walioongoza ukoo wa baba yao; kwa kuwa walikuwa wanaume mashujaa.

⁷Wana wa Shemaya; Othni, na Refaeli, na Obedi, na Elzabadi, nduguze walikuwa mashujaa, Elihu, na Semakia.

⁸Hao wote walikuwa wana wa Obed-edomu; wao na wana wao na ndugu zao, watu hodari wawezao huo utumishi; watu wa Obed-edomu sitini na wawili.

⁹Naye Meshelemia alikuwa na wana na nduguze, watu mashujaa, kumi na wanane.

¹⁰Hosa naye, wa wana wa Merari, alikuwa na wana; Shimri mkuu wao; (kwani ajapokuwa yeye si mzaliwa wa kwanza, babaye alimweka mkuu);[#1 Nya 16:38; Mwa 4:7; 49:3; Kum 21:17; 1 Nya 5:1]

¹¹Hilkia wa pili, Tebalia wa tatu, Zekaria wa nne; wana wote wa Hosa pamoja na nduguze walikuwa watu kumi na watatu.

¹²Katika hao zilikuwa zamu za mabawabu, yaani, katika hao wakuu, wenye huduma kama ndugu zao, wa kutumika katika nyumba ya BWANA.

¹³Nao wakapigiwa kura kwa ajili ya kila lango, wadogo na wakubwa kwa pamoja, kwa kufuata koo za baba zao.[#Yos 18:10; 1 Nya 25:8; 24:5; Mit 18:18; Yon 1:7; Mdo 1:26; 10:34; Gal 3:28; Kol 3:11]

¹⁴Kura ya lango la mashariki ikamwangukia Meshelemia. Ndipo wakamtupia kura Zekaria mwanawe, mshauri mwenye busara; na kura yake ikamtokea ya kaskazini.

¹⁵Ya Obed-edomu ya kusini; na ya wanawe nyumba ya akiba.

¹⁶Ya Shupimu na Hosa upande wa magharibi, langoni pa Shalekethi, hapo penye daraja ya kupandia, ulinzi ulifanywa kwa zamu.[#1 Fal 10:5; 1 Nya 24:31; 25:8; 2 Nya 9:4; Neh 12:24]

¹⁷Upande wa mashariki walikuwapo Walawi sita, kaskazini wanne kila siku, kusini wanne kila siku, na wa nyumba ya akiba wawili wawili.

¹⁸Penye Parbari upande wa magharibi, walikuwapo wanne darajani, na wawili huko Parbari.

¹⁹Hizo ndizo zamu za mabawabu; wa wana wa Wakora, na wa wana wa Merari.

Watunza hazina, maofisa na waamuzi

²⁰Na katika Walawi; Ahia mtunzaji wa hazina ya nyumba ya Mungu, pamoja na hazina ya vitu vilivyowekwa wakfu.[#Kum 12:6; 1 Fal 7:51; 14:26; 1 Nya 9:26-29; 22:14-16; Mal 3:10; 2 Nya 31:11,12]

²¹Wana wa Ladani; wana wa Wagershoni waliokuwa wa Ladani; wakuu wa koo za mababa waliokuwa wa Ladani, Mgershoni; Yehieli.[#1 Nya 6:17; 23:8]

²²Wana wa Yehieli; Zethamu, na Yoeli nduguye, walikuwa watunzaji wa hazina ya nyumba ya BWANA.

²³Wa Waamrami wa Waishari, wa Wahebroni, wa Wauzieli;[#Kut 6:18; Hes 3:19; 1 Nya 23:12]

²⁴na Shebueli, mwana wa Gershomu, mwana wa Musa, alikuwa mtunzaji wa hazina zote.[#1 Nya 23:16; 24:20]

²⁵Na nduguze; wa Eliezeri, Rehabia mwanawe, na Ishia mwanawe, na Yoramu mwanawe, na Zikri mwanawe, na Shelomothi mwanawe.[#1 Nya 23:18; 24:22]

²⁶Huyo Shelomothi na ndugu zake walikuwa wasimamizi wa hazina zote za vitu vilivyowekwa wakfu, alivyoviweka wakfu mfalme Daudi, na hao wakuu wa koo za mababa, na maofisa wa maelfu na wa mamia, na makamanda wa jeshi.

²⁷Katika nyara zilizopatikana vitani, waliweka wakfu sehemu, ili kuitengeneza nyumba ya BWANA.[#Hes 31:50; Yos 6:19,24; 1 Nya 22:14-16; 2 Nya 15:11,18; 2 Fal 12:14; 22:4,5; Neh 10:32]

²⁸Na vyote alivyoviweka wakfu Samweli mwonaji, na Sauli mwana wa Kishi, na Abneri mwana wa Neri, na Yoabu mwana wa Seruya; na mtu yeyote aliyekiweka wakfu kitu chochote, kilikuwa chini ya mkono wa Shelomothi na nduguze.[#1 Sam 9:9]

²⁹Katika Waishari, Kenania na wanawe walikuwa kwa ajili ya kazi ya nje juu ya Israeli, kuwa maofisa na waamuzi.[#Kum 1:16; 16:18; 1 Nya 23:4; 2 Nya 19:8-11]

³⁰Katika Wahebroni, Hashabia na nduguze, mashujaa, elfu moja na mia saba, walikuwa na usimamizi juu ya Israeli ng'ambo ya Yordani upande wa magharibi; kwa ajili ya kazi zote za BWANA, na kwa utumishi wa mfalme.

³¹Katika Wahebroni Yeria alikuwa mkuu, yaani, wa hao Wahebroni kwa kufuata vizazi vyao kwa koo za mababa. Katika mwaka arubaini wa kutawala kwake Daudi wakatafutwa, wakaonekana huko Yazeri ya Gileadi miongoni mwao wanaume mashujaa.[#1 Nya 23:19; 2 Sam 5:4; 1 Fal 2:11; 1 Nya 29:27; Hes 32:1,3,35; Yos 21:39; Isa 16:9; Yer 48:32]

³²Na nduguze, mashujaa, walikuwa elfu mbili na mia saba, wakuu wa koo za mababa, ambao mfalme Daudi aliwaweka wawe wasimamizi juu ya Wareubeni, na Wagadi, na nusu kabila la Wamanase, kwa ajili ya kila neno lililomhusu Mungu, na kwa mambo ya mfalme.[#2 Nya 19:11]