Karama ya upendo

¹Nijaposema kwa lugha za wanadamu na za malaika, kama sina upendo, nimekuwa shaba iliayo na upatu uvumao.

²Tena nijapokuwa na unabii, na kujua siri zote na maarifa yote, nijapokuwa na imani timilifu kiasi cha kuweza kuhamisha milima, kama sina upendo, mimi si kitu.[#Mt 17:20; 7:22; 21:21; Mk 11:23]

³Tena nikitoa mali zangu zote kuwalisha maskini, tena nikijitoa mwili wangu niungue moto, kama sina upendo, hainifaidi kitu.[#Mt 6:2]

⁴Upendo huvumilia, hufadhili; upendo hauhusudu; upendo hautakabari; haujivuni;

⁵haukosi kuwa na adabu; hautafuti mambo yake; hauoni uchungu; hauhesabu mabaya;[#Zek 8:17; Flp 2:4]

⁶haufurahii udhalimu, bali hufurahi pamoja na kweli;[#Rum 12:9]

⁷huvumilia yote; huamini yote; hutumaini yote; hustahimili yote.[#Mit 10:12; 1 Kor 9:12; Rum 15:1]

⁸Upendo haupungui neno wakati wowote; bali ukiwapo unabii utabatilika; zikiwapo lugha, zitakoma; yakiwapo maarifa, yatabatilika.[#1 Pet 4:8]

⁹Kwa maana tunafahamu kwa sehemu; na tunafanya unabii kwa sehemu;

¹⁰lakini ijapo ile iliyo kamili, iliyo kwa sehemu itabatilika.

¹¹Nilipokuwa mtoto mchanga, nilisema kama mtoto mchanga, nilifahamu kama mtoto mchanga, nilifikiri kama mtoto mchanga; tokea hapo nilipokuwa mtu mzima, nimeyabatilisha mambo ya kitoto.

¹²Maana sasa tunaona kwa kioo kwa jinsi ya fumbo; wakati ule tutaona uso kwa uso; sasa nafahamu kwa sehemu; wakati ule nitajua sana kama mimi nami ninavyojuliwa sana.[#2 Kor 5:7; Yak 1:23]

¹³Basi, sasa inadumu imani, tumaini, upendo, haya matatu; na katika hayo lililo kuu ni upendo.[#1 The 1:3; 1 Yoh 4:16]