Kuwalisha watu elfu nne

¹Katika siku zile, kwa vile ulivyokuwa mkuu tena ule mkutano, nao wamekosa kitu cha kula, akawaita wanafunzi wake, akawaambia,[#Mt 15:32-39]

²Nawahurumia mkutano kwa sababu yapata siku tatu wamekaa nami, wala hawana kitu cha kula;[#Mk 6:34-44]

³nami nikiwaaga waende zao nyumbani kwao wakiwa na njaa, watazimia njiani; na baadhi yao wametoka mbali.

⁴Wanafunzi wake wakamjibu, Je! Ataweza wapi mtu kuwashibisha hawa mikate hapa nyikani?

⁵Akawauliza, Mnayo mikate mingapi? Wakasema, Saba,

⁶Akawaagiza mkutano waketi chini; akaitwaa ile mikate saba, akashukuru, akaimega, akawapa wanafunzi wake wawaandalie; wakawaandalia mkutano.

⁷Walikuwa na visamaki vichache; akavibariki, akasema wawagawie na hivyo pia.

⁸Wakala, wakashiba, wakakusanya mabaki ya vipande vya mikate vikapu saba.[#Kum 28:5]

⁹Na watu waliokula walikuwa elfu nne. Akawaaga.

¹⁰Mara akapanda katika mashua pamoja na wanafunzi wake, akaenda pande za Dalmanutha.

Dai la ishara

¹¹Wakatokea Mafarisayo, wakaanza kuhojiana naye; wakitafuta kwake ishara itokayo mbinguni; wakimjaribu.[#Mt 16:1-12; #Mt 12:38; Lk 11:16; Yn 6:30]

¹²Akapiga kite rohoni mwake, akasema, Mbona kizazi hiki chatafuta ishara? Amin, nawaambieni, Hakitapewa ishara kizazi hiki.[#Mt 12:39; Lk 11:29]

¹³Akawaacha, akapanda tena katika mashua, akaenda zake hadi ng'ambo.

Chachu ya Mafarisayo na ya Herode

¹⁴Wakasahau kuchukua mikate, wala katika mashua hawana ila mkate mmoja tu.

¹⁵Akawaagiza, akasema, Angalieni, jihadharini na chachu ya Mafarisayo na chachu ya Herode.[#Lk 12:1; Mk 3:6]

¹⁶Wakabishana wao kwa wao, kwa kuwa hawana mikate.

¹⁷Naye Yesu akatambua, akawaambia, Mbona mnabishana kwa sababu hamna mikate? Hamfahamu bado, wala hamjaelewa? Je! Mioyo yenu ni mizito?[#Mk 6:52]

¹⁸Mna macho, hamwoni; mna masikio, hamsikii? Wala hamkumbuki?[#Yer 5:21; Eze 12:2; Mk 4:12]

¹⁹Nilipoivunja ile mikate mitano na kuwapa wale elfu tano, mlichukua vikapu vingapi vimejaa vipande? Wakamwambia, Kumi na viwili.[#Mk 6:41-44]

²⁰Na ile saba kuwapa wale elfu nne, mlichukua vikapu vingapi vimejaa vipande? Wakamwambia, Saba.[#Mk 8:6-9]

²¹Akawaambia, Hamjafahamu bado?

Yesu amponya kipofu Bethsaida

²²Wakafika Bethsaida, wakamletea kipofu, wakamsihi amguse.[#Mk 6:56]

²³Akamshika mkono yule kipofu, akamchukua nje ya kijiji, akamtemea mate katika macho, akamwekea mikono yake, akamwuliza, Waona kitu?[#Mk 7:32,33; Yn 9:6]

²⁴Akatazama juu, akasema, Naona watu kama miti, inakwenda.

²⁵Ndipo akaweka tena mikono yake juu ya macho yake, naye akatazama sana; akawa mzima, akaona vyote waziwazi.

²⁶Akamwagiza aende nyumbani kwake, akisema, Hata kijijini usiingie. Petro Amkiri Yesu kuwa Kristo.[#Mk 7:36]

²⁷Akatoka Yesu na wanafunzi wake, wakaenda kwenye vijiji vya Kaisaria-Filipi; na njiani akawauliza wanafunzi wake, akasema, Watu huninena mimi kuwa ni nani?[#Mt 16:13-28; Lk 9:18-27]

²⁸Wakamjibu, Yohana Mbatizaji; wengine, Eliya; wengine, Mmojawapo wa manabii.[#Mk 6:14-15; Lk 9:7-8]

²⁹Naye akawauliza, Na ninyi mnasema ya kuwa mimi ni nani? Petro akamjibu, akamwambia, Wewe ndiwe Kristo.[#Yn 6:68-69; #8:29 au Masihi.]

³⁰Akawaonya wasimwambie mtu habari zake.[#Mk 9:9]

Yesu asema juu ya kufa na kufufuka kwake

³¹Akaanza kuwafundisha kwamba imempasa Mwana wa Adamu kupatikana na mateso mengi, na kukataliwa na wazee, na wakuu wa makuhani, na waandishi, na kuuawa, na baada ya siku tatu kufufuka.

³²Naye alikuwa akinena neno hilo waziwazi. Petro akamchukua, akaanza kumkemea.

³³Akageuka, akawatazama wanafunzi wake, akamkemea Petro, akasema, Nenda nyuma yangu, Shetani; maana huyawazi yaliyo ya Mungu, bali ya wanadamu.

³⁴Akawaita mkutano pamoja na wanafunzi wake, akawaambia, Mtu yeyote akitaka kunifuata na ajikane mwenyewe, ajitwike na msalaba wake, anifuate.[#Mt 10:38; Lk 14:27]

³⁵Kwa kuwa mtu atakaye kuiponya nafsi yake, ataiangamiza, na mtu atakayeiangamiza nafsi yake kwa ajili yangu na kwa ajili ya Injili, huyu ataisalimisha.[#Mt 10:39; Lk 17:33; Yn 12:25]

³⁶Kwa kuwa itamfaidi mtu nini kuupata ulimwengu wote, akiipoteza nafsi yake?

³⁷Ama mtu atoe nini badala ya nafsi yake?

³⁸Maana kila mtu atakayenionea haya mimi, na maneno yangu, katika kizazi hiki cha uzinzi na dhambi, Mwana wa Adamu atamwonea haya mtu huyo, atakapokuja katika utukufu wa Baba yake pamoja na malaika watakatifu.[#Mt 10:33]