Sifa na sala ya ushindi

¹Ee Mungu, moyo wangu u thabiti,

Nitaimba, nitaimba zaburi,

Naam, kwa utukufu wangu.

²Amka, kinanda na kinubi,

Nitaamka alfajiri.

³Ee BWANA, nitakushukuru kati ya watu,

Nitakuimbia sifa kati ya mataifa.

⁴Maana fadhili zako ni kubwa kuliko mbingu,[#Mik 7:18-20; Hes 14:18; Kum 7:9; Zab 36:5]

Na uaminifu wako unafika hata mawinguni.

⁵Ee Mungu, utukuzwe juu ya mbingu,[#Zab 57:5]

Na juu ya nchi yote uwe utukufu wako.

⁶Ili watu uwapendao waokolewe,

2 Unipe ushindi kwa mkono wako wa kulia, na uniitikie.

⁷Mungu amenena kwa utakatifu wake,

Nami nitashangilia.

Nitaigawanya Shekemu,

Nitalipima bonde la Sukothi.

⁸Gileadi ni yangu, na Manase ni yangu,[#Mwa 49:10; Zab 60:7]

Na Efraimu ni nguvu ya kichwa changu.

Yuda ni fimbo yangu ya kifalme,

⁹Moabu ni bakuli langu la kunawia.

Nitamtupia Edomu kiatu changu,

Na kumpigia Filisti kelele za vita.

¹⁰Ni nani atakayenipeleka hadi mji wenye boma?[#Zab 60:9]

Ni nani atakayeniongoza hadi Edomu?

¹¹Ee Mungu, si Wewe uliyetutupa?

Wala, Ee Mungu, huendi na majeshi yetu?

¹²Utuletee msaada juu ya mtesi,

Maana wokovu wa binadamu haufai.

¹³Kwa msaada wa Mungu tutatenda makuu,[#Isa 25:10; 30:3; Omb 1:15; Mal 4:3; Mdo 1:20; Ufu 14:19-20]

Maana Yeye atawakanyaga watesi wetu.