Unyonge wa sanamu na ukuu wa Mungu

¹Ee BWANA, kutukuza usitutukuze sisi,[#Isa 48:11; Eze 36:32]

Bali ulitukuze jina lako,

Kwa ajili ya fadhili zako,

Kwa ajili ya uaminifu wako.

²Kwa nini mataifa kusema,[#Zab 42:3,10; 79:10; Yoe 2:17]

Yuko wapi Mungu wao?

³Lakini Mungu wetu yuko mbinguni,[#1 Nya 16:26; Zab 135:6; Dan 4:35]

Alitakalo lote amelitenda.

⁴Sanamu zao ni fedha na dhahabu,[#Kum 4:28; Zab 135:15-18; Isa 40:19; Yer 20:3; Hos 8:6; 1 Kor 10:19,20; Ufu 9:20]

Kazi ya mikono ya wanadamu.

⁵Zina vinywa lakini hazisemi,

Zina macho lakini hazioni,

⁶Zina masikio lakini hazisikii,

Zina pua lakini hazinusi harufu,

⁷Mikono lakini hazishiki, miguu lakini haziendi,

Wala hazitoi sauti kwa koo zake.

⁸Wazitengenezao watafanana nazo,[#Zab 135:18; Isa 44:9,10; Yon 2:8; Hab 2:18]

Sawa na wote wanaozitumainia.

⁹Enyi Israeli, mtumainini BWANA;[#Zab 33:20; Mit 30:5]

Yeye ni msaada wao na ngao yao.

¹⁰Enyi mlango wa Haruni, mtumainini BWANA;[#Mal 2:7]

Yeye ni msaada wao na ngao yao.

¹¹Enyi mmchao BWANA, mtumainini BWANA;

Yeye ni msaada wao na ngao yao.

¹²BWANA ametukumbuka,[#Efe 1:3]

Naye atatubariki sisi.

Ataubariki mlango wa Israeli,

Ataubariki mlango wa Haruni,

¹³Atawabariki wamchao BWANA,[#Law 26:3; Kum 11:27; Zab 24:4; Mit 10:6; Ufu 11:18; 19:5]

Wadogo kwa wakubwa.

¹⁴BWANA na awaongeze ninyi,

Ninyi na watoto wenu.

¹⁵Na mbarikiwe ninyi na BWANA,[#Mwa 14:19; 1:1; Zab 96:5]

Aliyezifanya mbingu na nchi.

¹⁶Mbingu ni mbingu za BWANA,

Bali nchi amewapa wanadamu.

¹⁷Wafu hawamsifu Mungu BWANA,

Wala yeyote ashukaye kwenye kimya;

¹⁸Bali sisi tutamhimidi BWANA,[#Zab 145:2; Dan 2:20]

Tangu leo na hata milele.