Maskani ya milele ya Mungu katika Sayuni

¹BWANA, umkumbukie Daudi

Taabu zake zote alizotaabika.

²Vile alivyomwapia BWANA,

Akaweka nadhiri kwa ewe Mwenye nguvu wa Yakobo.

³“Sitaingia nyumbani mwangu,

Wala sitalala kitandani mwangu;

⁴Sitaacha macho yangu kuwa na usingizi,[#Rut 3:18]

Wala kope zangu kusinzia;

⁵Hadi nitakapompatia BWANA mahali,

Na Mwenye nguvu wa Yakobo maskani”.

⁶Tazama, tulisikia habari zake katika Efrata,[#Yos 18:1; 1 Nya 13:5; 2 Nya 6:41-42; 1 Sam 17:12; 7:1]

Katika shamba la Yearimu tuliiona.

⁷Na tuingie katika maskani yake,

Tusujudu penye kiti cha kuwekea miguu yake.

⁸Ee BWANA, uinuke, uende kwenye raha yako,[#Hes 10:35]

Wewe na sanduku la nguvu zako.

⁹Makuhani wako na wavikwe haki,[#Ayu 29:14; Isa 61:10]

Watauwa wako na washangilie.

¹⁰Kwa ajili ya Daudi, mtumishi wako,

Usiurudishe nyuma uso wa masihi wako.

¹¹BWANA amemwapia Daudi neno la kweli,[#1 Fal 8:25; 2 Sam 7:12-16; 1 Nya 6:16; 1 Nya 17:11-14; Zab 89:4-5; Lk 1:69; Mdo 2:30]

Hatarudi nyuma akalivunja,

Mmoja wa wazawa wako mwenyewe

Nitawaweka katika kiti chako cha enzi.

¹²Wanao wakiyashika maagano yangu,

Na shuhuda nitakazowafundisha;

Watoto wao nao wataketi

Katika kiti chako cha enzi milele.

¹³Kwa kuwa BWANA ameichagua Sayuni,

Ameitamani akae ndani yake.

¹⁴Hapo ndipo mahali pangu pa raha milele,

Hapo nitakaa kwa maana nimepatamani.

¹⁵Hakika nitavibariki vyakula vyake

Wahitaji wake nitawashibisha chakula.

¹⁶Na makuhani wake nitawavika wokovu,[#2 Nya 6:41; Hos 11:12]

Na watauwa wake watashangilia.

¹⁷Hapo nitamchipushia Daudi pembe,[#1 Fal 11:36; Zab 92:10; Eze 29:21; Lk 1:69]

Na taa nimemtengenezea masihi wangu.

¹⁸Adui zake nitawavika aibu,

Bali juu yake taji lake litasitawi.