Ombi la uponyaji kwa anayejuta kwa mateso

¹Ee BWANA, usinilaumu katika ghadhabu yako,

Wala usiniadhibu kwa ukali wa hasira yako.

²Kwa maana mishale yako imenichoma,

Na mkono wako umenipata.

³Hamna uzima katika mwili wangu

Kwa sababu ya ghadhabu yako.

Wala hamna amani mifupani mwangu

Kwa sababu ya hatia zangu.

⁴Maana dhambi zangu zimenifunika kichwa,

Kama mzigo mzito zimenilemea mno.

⁵Majeraha yangu yananuka na kutunga usaha,

Kwa sababu ya upumbavu wangu.

⁶Nimejipinda na kuinama sana,

Mchana kutwa ninaenda nikiomboleza.

⁷Maana viuno vyangu vimejaa homa,[#Ayu 7:5]

Wala hamna uzima katika mwili wangu.

⁸Nimedhoofika na kupondeka sana,

Nimeugua kwa fadhaa ya moyo wangu.

⁹Bwana, haja zangu zote ziko mbele zako,

Kuugua kwangu hakukusitirika kwako.

¹⁰Moyo wangu unadundadunda,

Nguvu zangu zimenitoka;

Nuru ya macho yangu nayo imeniondoka.

¹¹Wanipendao na rafiki zangu wanasimama mbali na pigo langu;[#Lk 10:31]

Na jamaa zangu wanasimama mbali.

¹²Nao wanaoutafuta uhai wangu hutega mitego;

Nao wanaotaka kunidhuru hunena mabaya;

Na kufikiri hila mchana kutwa.

¹³Lakini kama kiziwi sisikii,

Nami ni kama bubu asiyefumbua kinywa chake.

¹⁴Naam, nimekuwa kama mtu asiyesikia,

Ambaye hamna ubishi kinywani mwake.

¹⁵Kwa kuwa nakungoja Wewe, BWANA,[#Yer 14:8]

Wewe utajibu, Ee Bwana, Mungu wangu.

¹⁶Maana nilisema, Wasije wakanifurahia;

Wale wanaojitukuza juu yangu Mguu wangu unapoteleza.

¹⁷Kwa maana mimi ni karibu na kusita,

Na maumivu yangu yako mbele yangu daima.

¹⁸Kwa maana nitaungama uovu wangu,[#Ayu 31:33; Zab 32:5; Mit 28:13; 2 Kor 7:9]

Na kusikitika kwa dhambi zangu.

¹⁹Lakini walio adui zangu bila sababu wana nguvu,

Nao wanaonichukia bure wamekuwa wengi.

²⁰Naam, wakilipa mabaya kwa mema,[#1 Yoh 3:12; 1 Pet 3:13]

Huwa adui zangu kwa kuwa nilifuata lililo jema.

²¹Wewe, BWANA, usiniache,[#Zab 22:1,11]

Mungu wangu, usijitenge nami.

²²Ufanye haraka kunisaidia,[#Kut 15:2; Isa 12:2]

Ee Bwana, wokovu wangu.